| e-texts navigator |
| བོད་ཡིག |
54a1 ces gsungs so/ /byang chub kyi sems kun byed rgyal po las dam tshig bsrung du med pa'i le'u ste zhe drug pa'o// //de nas byang chub kyi sems kun byed rgyal po des rdzogs pa chen po la phrin las btsal du med pa 'di gsungs so/ /
54a2 kye sems dpa' chen po nyon cig /kun byed nga ni rdzogs pa chen po ste/ /rdzogs pa chen po lhun gyis grub pa'i phyir/ /phrin las ye nas btsal du med par bstan/ /phrin las btsal du yod par lung ston pa/ /nga las byung ba'i ston pa sku gsum gyis/ /
54a3 rang re 'khor la btsal ba'i las phog pa/ /btsal ba'i las ni rang res so sor phog /sprul pas btsal ba'i rgyu la las phog pa/ /lus ngag yid gsum tshad med sgor zhugs nas/ /lus kyi sdom pa srog gcod rku g.yem spang / /ngag gi sdom pa dag
54a4 khyal tshig rtsub dang / /dang phra ma la sogs ngag gis spang / /yid kyis mnab sems gnod sems log lta spang / /dge bcu spyod pa'i las de rgyur bkod nas/ /sbyin pa tshul khrims pha rol phyin bcu las/ /spyad nas sa dang kun 'od thob 'dod
54a5 pa/ /tshi chad las ni bskal pa gsum du spyod/ /de yang kun byed nga yis lung phog min/ /longs spyod rdzogs pas 'khor la lung phog pa/ /rgyu dang 'bras bu'i sgo nas las phog pa/ /sems can ting 'dzin las ni 'di lta ste/ /khrus dang gtsang sbrar phyi nang
54a6 dag byas te/ /cho 'phrul las kyis byin gyis brlabs nas ni/ /ye shes sems dang dam tshig gnyis ltas nas/ /ting 'dzin las kyis mchod cing gshegs gsol byed/ /las des mi tshe bdun du tshi chad 'gyur/ /chos kyi sku las longs spyod skur bzhengs
54a7 nas/ /rnal 'byor chen po'i 'khor la lung phog pa/ /bdag nyid chen po yin par lung bstan nas/ /rang rgyud dag pa'i dkyil 'khor de rnams la/ /kha dog rigs dang sbyar ba'i lha bsgoms nas/ /zhi lhas zhi bar byed pa'i las byed pa/ /rgyas lhas rgyas
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po