| e-texts navigator |
| བོད་ཡིག |
50b1 dpa' chen po nyon cig / kun byed nga yis sems can don byas zin/ /nga yis don byas gzhan gyis bya mi dgos/ /gzhan la ltos pa'i chos ni nga lung min/ /nga la kun rdzogs ye nas byas zin rdzogs/ /ye nas byas zin lta ba bsgom mi dgos/ /
50b2 ye nas rnam dag dam tshig srung mi dgos/ /ye nas byang chub sa la kun gnas pas/ /rig 'dzin sa dang sa bcu sbyang mi dgos/ /ma btsal ye nas lhun gyis grub pa'i phyir/ /btsal ba'i phrin las ye nas bya mi dgos/ /rang 'byung ye shes yul
50b3 la mi rtog pas/ /rig pa'i ye shes yul gyis bsal mi dgos/ /bde chen chos sku sems kyis gcig pa'i phyir/ /snga phyi dus gsum med de khyad par gcig /phun sum tshogs dang dus gnas kun gcig dang / /thams cad gcig phyir nga la
50b4 kun rdzogs te/ /rdzogs pa chen po nga la kun rdzogs pas/ /lta spyod phrin las dam tshig sa lam ni/ /gong bshad bzhin du btsal zhing bsgrub mi dgos/ /de ltar ma rig rtsol sgrub byas 'gyur na/ /rgyu 'bras 'das pa'i don dang 'gal 'gyur nas/ /
50b5 bya med bde chen de dang mi phrad de/ /rtsol sgrub nad kyis ma rig de zin 'gyur/ /de bas rgyu 'bras 'das pa'i rdzogs chen la/ /skal med rnams kyi spyod yul ma yin pas/ /rgyu dang 'bras bu'i chos la spyad par bya/ /zhes gsungs so/ /byang chub kyi
50b6 sems kun byed rgyal po las rdzogs chen skal med don med kyi le'u ste zhe bzhi pa'o/ / //de nas byang chub kyi sems kun byed rgyal pos rdzogs pa chen po la lta ba bsgom med kyi mdo lung 'di bstan to/ /kye sems dpa' chen po/ rang gi lta ba bsgom
50b7 med ni/ /kun byed nga yin nga la bsgom du med/ /kun byed nga ni bsgom pa'i yul ma yin/ /nga ni ma bcos kun la rang bzhin gnas/ /rang bzhin gnas pa'i bsgom du med pa de/ /nga las byung ba'i ston pa sku gsum gyis/ /nga las mngon du phyung ba'i
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po