| e-texts navigator |
| བོད་ཡིག |
49b1 nyid don gyi ngo bo nyid du bshad/ /sangs rgyas sems can kun gyi longs spyod du/ /longs sku nga yi gzugs la spyad du med/ /rig 'dzin sa bcu rnams la nga yis bstan/ /zhes gsungs so/ /kye sems dpa' chen po nyon cig /sprul sku
49b2 bstan pa thugs rjes don 'tsham ste/ /khams gsum sems can bsam pa tha dad la/ /sku dang gsung dang thugs ni rnam gsum gyis/ /bsam pa tha dad sku gsung thugs rjes bzlog /dbang po yul la zhen pa de bzlog nas/ /dben pa'i
49b3 yul ni gang 'thad de bstan nas/ /des ni nga yi thugs rje 'dren lung byed/ /kye sems dpa' chen po nyon cig /nga ni chos rnams kun gyi ston yin phyir/ /sangs rgyas la yang nga yi rang bzhin bstan/ /sems can la yang nga yi rang bzhin
49b4 bstan/ /rang bzhin bstan pas ston par zhal gyis bzhes/ /nga yi rang bzhin 'di ltar rig par gyis/ /ston pa dang ni bstan pa 'khor rnams ni/ /nga yi rang bzhin gsum las gzhan med de/ /ston pa rang 'byung ye shes 'gag med
49b5 yin/ /bstan pa nga yi rang bzhin ma bcos yin/ /de 'dzin 'khor ni nga yi ngo bos 'dzin/ /ces gsungs so/ /byang chub kyi sems kun byed rgyal po las ston par zhal gyis bzhes pa'i le'u ste zhe gsum pa'o// //de nas byang chub kyi
49b6 sems kun byed rgyal pos nyid la bya ba med pa'i don 'di gsungs so/ /kye sems dpa' chen po/ bya ba med pa'i don 'di ni/ /kun byed nga yi rang bzhin te/ /nga la bya ba med pa ni/ /nga ni ye nas byas zin pas/ /bya ba med pa'i chos nyid yin/ /
49b7 chos nyid nga yi rang bzhin las/ /rang bzhin de la bya ru med/ /rang bzhin rang bzhin bya ba de/ /bcos su med pa'i rang bzhin yin/ /bcos med byang chub de la ni/ /sems dpa' rdo rje khyod ma 'chos/ /sems dpa' rdo rjes de 'chos na/ /kun byed
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po