| e-texts navigator |
| བོད་ཡིག |
48b1 rgyas rnams/ /rang 'byung sems nyid 'di la ni/ /snga bar 'chos par lung ma bstan/ /da ltar ting 'dzin sems mi 'chos/ /ma bcos lam du zhugs nas byon/ /ji ltar snang ba'i chos rnams la/ /byang chub sems su ma rtogs te/ /bcos
48b2 shing bsgrubs pas 'grub mi 'gyur/ /ma rtogs bcos pas grub par byed/ /bskal pa du ma'i grangs pa grangs kyang / /mi rtsol bde ba phrad mi 'gyur/ /kye sku gsum sems las ma bcos phyir/ /sku gsum ston pa'i mdo lung las/ /'chos par
48b3 byed pa'i don 'byung ba/ /de ni ston pa sku gsum yang / /nyid kyi ston pa rang bzhin ston pa min/ /de bzhin 'chos par byed pa yi/ /ston pas bden tshul ji bstan yang / /nges lung ma yin drang lung yin/ /zhes gsungs so/ /byang chub kyi sems
48b4 kun byed rgyal po las bcos su med pa'i le'u ste zhe gnyis pa'o/ / //de nas byang chub kyi sems kun byed rgyal po des chos thams cad kyi ston pa nyid yin par zhal gyis bzhes pa 'di gsungs so/ /kye sems dpa' chen po nyon cig /nga ni
48b5 chos rnams kun gyi ston pa ste/ /nga yi rang bzhin rnam pa gsum las ni/ /ston pa yang ni rnam pa gsum du bstan/ /bstan pa yang ni rnam gsum nga yis bstan/ /de 'dzin 'khor tshogs gsum yang nga yis bstan/ /ston pa gsum yang gang dang gang
48b6 zhe na/ /chos kyi rang bzhin ston pa'i ston pa dang / /chos kyi ngo bo ston pa'i ston pa dang / /don gyi sgra tshig ston pa'i ston pa'o/ /chos kyi rang bzhin ston pa'i ston pa ni/ /skye ba med las byin gyis brlabs phyung ste/ /ji ltar snang ba'i chos rnams thams
48b7 cad kun/ /chos kyi de bzhin nyid du ston par byed/ /chos kyi ngo bo ston pa'i ston pa ni/ /ji ltar snang ba'i chos rnams thams cad kun/ /ston pa nyid kyi sku ru phyung nas ni/ /chos kyi ngo bor de las med par ston/ /chos kyi sgra tshig ston pa'i ston pas ni/ /
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po