| e-texts navigator |
| བོད་ཡིག |
47b1 bzhin nyid du gcig / de bzhin nyid du gcig pa la/ /de bzhin nyid la bcos pas nor/ /de ni ma nor ba yi ming / /bzhin ni bcos su med pa'i don/ /nyid ni rang gi mtshan nyid bstan/ /de bzhin nyid la 'chos ma byed/ /de bzhin nyid la
47b2 'chos byed pa/ /byang chub sems la su 'chos pa/ /des ni 'khor ba'i snying po bsgrub/ /ces gsungs so/ /byang chub kyi sems kun byed rgyal po las byang chub sems kyi rang bzhin bstan pa'i le'u ste bzhi bcu pa'o// //de nas byang
47b3 chub kyi sems kun byed rgyal po des chos thams cad kyi rang bzhin nga yin pa 'di bstan to/ /kye sems dpa' dam pa rdo rje khyod/ /nga yi rang bzhin 'di ltar shes par gyis/ /nga ni ston pa'i sgron ma byang chub sems/ /dus gsum sangs rgyas kun gyi snying po
47b4 yin/ /khams gsum sems can kun gyi pha dang ma/ /snang srid snod bcud kun gyi rgyu yang yin/ /nga las ma byung ba ni gcig kyang med/ /nga ni mi gnas kun du khyab pa'i phyir/ /nga ni ye nas dus gsum sangs rgyas yin/ /nga ni mi rtog mnyam
47b5 par gnas pa'i phyir/ /rtog med mnyam nyid chos sku ye sangs rgyas/ /nga yi ngo bo kun du longs spyod phyir/ /nga nyid longs spyod rdzogs skur ye sangs rgyas/ /nga nyid rang 'byung ye shes snang ba'i phyir/ /nga nyid thugs rje sprul skur mngon sangs rgyas/ /
47b6 des na dus gsum sangs rgyas kun gyi snying por bshad/ /nga yi ye shes byang chub sems snang ba/ /rang 'byung ye shes lnga po rgyud drug sems/ /des na khams gsum sems can pha dang ma/ /snang srid snod bcud kun gyi ngo bo yang / /nga yi ngo bor byung ba
47b7 snang bas/ /nga nyid ye nas snang ba sangs rgyas yin/ /nga la gnyis med gcig tu 'dus pa chu/ /sdud par byed pas sems nyid chu yin no/ /nga ni thams cad mnyam pa drod snyoms me/ /kun la mnyam par gnas pas me sangs rgyas/ /nga ni thogs med
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po