| e-texts navigator |
| བོད་ཡིག |
43a1 'gyur/ /kun byed nga dang yun du ma phrad na/ /khams gsum rgyud drug gnas pa'i sems can gyis/ /rang gi rang bzhin rang gis ngo mi shes/ /sa bcu gnas pa'i byang chub sems dpa' yis/ /grangs med pa yi bskal
43a2 pa gsum bgrangs kyang / /kun byed nga dang phrad par yang mi 'gyur/ /des kyang rang gi rang bzhin shes mi 'gyur/ /lus la dbang sgyur rig 'dzin gsum gyis kyang / /lus kyis sangs rgyas longs spyod sku bzung nas/ /yid kyi dbang po rang sems
43a3 mthong med lta/ /des kyang kun byed rgyal po nga dang ni/ /rang gi rang bzhin gnyis med de mi mthong / /ma mthong bar du tshi chad nad kyis zin/ /de bas nga yi rang bzhin lung ston cig /ces gsungs so/ /byang chub kyi sems kun byed rgyal po
43a4 las sku gsung thugs su 'dus pa'i le'u ste sum cu rtsa drug pa'o/ / //de nas byang chub kyi sems kun byed rgyal po des rdzogs pa chen po'i chos nyid bsgom du med pa 'di bstan to/ /kye sems dpa' chen po rdo rje la sogs te/ /rig 'dzin gyi ni sa
43a5 la gnas pa dang / /sa la gnas pa'i byang chub sems dpa' dang / /khams gsum sems can dus la bab pa yi/ /kun gyi don chen kun byed nga yin gyis/ /nga yi rang bzhin chos nyid byang chub sems/ /chos nyid sems la bsgom med rtogs
43a6 par gyis/ /rgyu 'bras ston pa'i sku gsum ston pas ni/ /nga yi rang bzhin chos nyid bsgom med la/ /'jig rten rgyu 'bras chos dang don mthun par/ /rgyu las 'bras bu 'byung bar lung bstan nas/ /bsgom pa'i lung ni 'di ltar so sor bstan/ /
43a7 chos nyid byang chub sems gcig ngo bo la/ /sdug bsngal kun 'byung bden pa rnam pa bzhis/ /sdug bsngal kun 'byung ngan song rgyu zer nas/ /chos nyid byang chub sems de spong bar byed/ /de yis chos nyid mi mthong spangs pa yin/ /chos nyid
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po