| e-texts navigator |
| བོད་ཡིག |
3b1 lus rgyan gyi lus can gyi chos nyid bkod do/ /byang chub kyi sems dpa' kun byed rgyal po de nyid kyang nyid kyi rang bzhin gyi chos nyid bkod pa de bzhin du bzhugs so/ /de nas sems dpa' rdo rje de byang chub kyi sems kun byed rgyal po'i spyan sngar yang
3b2 'dug nas/ kye ston pa kun byed rgyal po lags/ /nyid kyi thugs gcig rang 'byung ye shes las/ /rang 'byung ye shes rnam pa lnga byung nas/ /de las rgyan gyi rgyu lnga byung nas ni/ /ye shes lnga yi lus lnga blangs pa 'dis/ /kun
3b3 byed rgyal po'i dgos pa ci zhig che/ /zhes zhus so/ /de nas byang chub kyi sems kun byed rgyal po des slar gsungs pa/ kye sems dpa' chen po dgos pa ni/ /kun byed rgyal po byed mkhan nga las ni/ /ma gtogs pa yi byed
3b4 mkhan gzhan na med/ /chos nyid byed pa yang ni nga las med/ /ston pa gsum yang 'god pa nga las med/ /'khor gyi tshogs yang 'god pa nga las med/ /de bzhin chos nyid 'god pa nga las med/ /sems dpa' rdo rje khyod la nga yis
3b5 ni/ /nga yi rang bzhin khyod la bstan par bya/ /nga la rang bzhin rnam pa gsum yod de/ /nga yi rang bzhin byang chub sems yin no/ /byang ba dag gi rang bzhin bstan pa ni/ /phun sum tshogs pa rnam gsum chos nyid byang / /chub pa
3b6 dag gi rang bzhin bstan pa ni/ /dgos pa tshogs pa rnam pa gsum gyis ni/ /nam mkha' bzhin du kun la khyab par gnas/ /sems zhes bya ba'i rang bzhin bstan pa ni/ /mi 'gag ma lus kun byed rgyal po ste/ /kun byas byang chub
3b7 sems su ma lus byas/ /zhes gsungs so/ /byang chub kyi sems kun byed rgyal po las chos nyid mngon du phyung nas bstan pa'i le'u ste gnyis pa'o// //de nas byang chub kyi sems kun byed rgyal po des chos thams cad kyi
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po