| e-texts navigator |
| བོད་ཡིག |
38b1 gar thabs bskyod pa yis/ /gnyis med sbyor ba phul ba yin/ /mi bzung gtong bas gtong ma yin/ /bya ba med pa'i las rnams te/ /mi rtog ye shes bgegs bsal nas/ /ma gsungs mnyam bzhag sngags tshig go/ /bla ma
38b2 mchod dang gtong ba dang / /de bzhin bsod nams thams cad kyang / /ma chags mi g.yo'i stobs med na/ /byas na 'ching ba chen por 'gyur/ /de bas de lung de nyid la/ /de la de sbyar sgrib par 'gyur/ /de ltar de la de rtog na/ /de la de nyid
38b3 grub pa med/ /ces gsungs so/ /byang chub kyi sems kun byed rgyal po las rdo rje sems dpa'i rang bzhin mi nub pa'i rgyal mtshan gyi le'u ste sum cu pa'o// //de nas byang chub kyi sems kun byed rgyal po des kun byed kyi rang bzhin
38b4 bya med rdzogs pa lhun gyis grub pa 'di gsungs so/ /kye sems dpa' chen po nyon cig /sna tshogs rang bzhin mi gnyis kyang / /cha shas nyid du spros dang bral/ /ji bzhin pa zhes mi rtog kyang / /rnam par snang mdzad kun du bzang / /zin pas
38b5 rtsol ba'i nad spangs te/ /lhun gyis gnas pas gzhag pa yin/ /zhes gsungs so/ /byang chub kyi sems kun byed rgyal po las rdo rje tshig drug gi le'u ste sum cu rtsa gcig pa'o// //de nas byang chub kyi sems kun byed rgyal po des
38b6 sems dpa' rdo rje la ma byas don grub kyi lung nges pa tshig bzhi'i le'u 'di gsungs so/ /kye sems dpa' chen po 'di ltar don rig gis/ /ji ltar snang ba de bzhin nyid du gcig /'di la su yang 'chos par ma byed cig /ma bcos mnyam pa'i
38b7 rgyal po de la ni/ /mi rtog chos sku'i dgongs pa de la gnas/ /zhes gsungs so/ /byang chub kyi sems kun byed rgyal po las nges pa tshig bzhi'i le'u ste sum cu rtsa gnyis pa'o// //de nas byang chub kyi sems kun byed rgyal po des nyid
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po