| e-texts navigator |
| བོད་ཡིག |
36a1 na/ /sgro dang skur pa 'debs pa'i tshig yin te/ /de yis gnyis su med pa rtogs pa med/ /dus gsum sangs rgyas rnams kyi rtogs pa yang / /gnyis su ma mthong rnal bzhag nyid du 'dod/ /ces gsungs so/ /byang
36a2 chub kyi sems kun byed rgyal po las dgongs pa rnal du bzhag pa'i le'u ste rtsa dgu pa'o/ / //de nas byang chub kyi sems kun byed rgyal po des nyid kyi snying po sems dpa' rdo rje la sems dpa' rdo rje nyid kyi rang bzhin bya med rdzogs pa'i lung mi nub
36a3 pa'i rgyal mtshan 'di gsungs so/ /kye sems dpa' rdo rje khyod nyon cig /sems dpa' rdo rje khyod nyid la/ /nyid kyi rang bzhin bstan par bya/ /nyid ni kun byed nga yin te/ /nga ni ye nas byang chub sems/ /byang chub sems ni 'di lta'o/ /des na byang
36a4 chub kyi sems kun byed rgyal po des mi nub pa'i rgyal mtshan nam mkha' che 'di gsungs so/ /rdo rje sems dpa' nam mkha' che/ /kun bzang yangs pa chos kyi dbyings/ /rnam dag lam chen kun sgrol phyir/ /mi skye mi 'gag cir mi dgongs/ /
36a5 byams pas don nyid rnam sbyangs phyir/ /snying rje chen po cir mi mdzad/ /che bas che ba'i zab mo yi/ /yon tan cir yang bsngags pa med/ /don rnams ji bzhin mi bskyod de/ /bya ba med pas grol bas grol/ /rang 'byung ye shes btsal
36a6 med pas/ /grol na grol ba'i lam yang ston/ /'byung ba chen po bcom ldan 'das/ /'gro ba kun la rang bzhin gnas/ /phyin ci log tu rnam brtags kyang / /grol ba rang 'byung gzhan las min/ /che ba'i ye shes rnyed dka' ba/ /
36a7 shes rab thabs la brten pas 'grub/ /ming tsam gzhan la brten 'dra yang / /mngon sum bde ba rang las 'byung / /cho 'phrul chen po dka' ba min/ /yon tan kun dang stobs kyi rnams/ /ji bzhin rtogs pa phra ba yis/ /de ma thag tu
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po