rKTs

e-texts navigator

Volume

Page

285a₁ ngo bo nyid du bcom/ /zhes gsungs so/ /yang bcom ldan 'das sman gyi rgyal po ngo bo nyid dag pas 'di skad du/ dpag med 'jig rten rdul snyed na/ /'gro ba rdul phran bsam yas la/ /khyad par de bzhin nyid snang bas/ /til 'bru mar gyis khyab
285a₂ ltar gnas/ /zhes gsungs so/ /yang bcom ldan 'das gser gyi 'od 'phro ngo bo nyid dag pas 'di skad du/ rdul phran gcig tsam gang zag la/ /dgongs te mdun du gsung brjod pa/ /dpag med mtha' yas rdul snyed tsam/ /de snyed kun du thos par grol/ /zhes
285a₃ gsungs so/ /yang bcom ldan 'das bkod pa'i rgyal po ngo bo nyid dag pas 'di skad du/ gsung gcig mi zad mtha' yas gsung / /mtha' dang dbus med kun du khyab/ /khyab dang khyab med rdo rje gsung / /sna tshogs dngos med de bzhin nyid/ /ces gsungs so/ /yang bcom ldan 'das
285a₄ gser gyi gsung ngo bo nyid dag pas 'di skad du/ gang yang ma bcos de nyid la/ /phyogs dang snga phyi dus med de/ /thams cad de bzhin nyid kyi dbyings/ /de nyid rang rig rang nyid do/ /zhes gsungs so/ /yang bcom ldan 'das dpal gyi rgyal po ngo bo nyid dag pas 'di
285a₅ skad du/ de nyid de snyed rang bzhin te/ /de snyed de nyid yin pa la/ /byis pa rnams kyis gnyis su bzung / /de la gnyis su dbye byar med/ /ces gsungs so/ /yang bcom ldan 'das snang ba brtsegs pa'i dpal ngo bo nyid dag pas 'di skad du/ stong nyid nam mkha'i
285a₆ rang bzhin du/ /mi mthun pa dang gnyen po gnyis/ /ye nas dbyer med gcig pas na/ /gnod pas 'jigs pa ga la yod/ /ces gsungs so/ /yang bcom ldan 'das ngo bo nyid dag pa'i dpal ngo bo nyid dag pas 'di skad du/ mi 'gyur nam mkha'i rang bzhin te/ /
285a₇ dag pa dag la dag pa nyid/ /rtog pa dag la rtog par snang / /cis 'dul der snang ci yang med/ /ces gsungs so/ /yang bcom ldan 'das dga' mchog dpal ngo bo nyid dag pas 'di skad du/ rang bzhin rang gis ma bcos pa/ yang gis 'od gsal de bzhin nyid/ /

_{iiif viewer powered by OpenSeadragon}

284b - 285b

Texts on this page