rKTs

e-texts navigator

Volume

Page

284a₁ yang bcom ldan 'das me long 'od snang ngo bo nyid dag pas 'di skad du/ nyon mongs ye shes lngar rtog pa/ /ji bzhin de la gnyis ka sgrib/ /rtog dang mi rtog gnyis med de/ /rtog pa de nyid yang dag lam/ /zhes gsungs so/ /yang bcom ldan 'das zla 'od
284a₂ dpal ngo bo nyid dag pas 'di skad du/ theg pa dpag med bstan pa yang / /ji ltar mos pa tha dad pa/ /khrid pa bya ba'i thabs su zad/ /rdo rje theg pa nyid las med/ /ces gsungs so/ /yang bcom ldan 'das nyi ma'i snying po dpal ngo bo nyid dag pas 'di skad du/ gang
284a₃ gis de mthong mthong ma thag / mi shes chod pa'i dra ba chod/ /khyung dang seng ge ji bzhin du/ /mngal ltar lus kyi mngal gyis bsgribs/ /zhes gsungs so/ /yang bcom ldan 'das spos kyi rgyal po ngo bo nyid dag pas 'di skad du/ dbang sgyur thabs kyi ye shes
284a₄ kyis/ /sgyu ma'i chos la dbang thob pas/ /mun la snang 'byung ji bzhin du/ /thams cad dbang sgyur rang rig yin/ /zhes gsungs so/ /yang bcom ldan 'das sngon spro ba'i rgyal po ngo bo nyid dag pas 'di skad du/ rnam dag ye shes sgyu ma dang / /log rtog mtshan ma'i
284a₅ sgyu ma gnyis/ /rang bzhin de nyid dag pas na/ /gnyis su shes pa nyid tshogs rdzogs/ /zhes gsungs so/ /yang bcom ldan 'das rin chen rgyal po ngo bo nyid dag pas 'di skad du/ bsam gyis mi khyab chos 'di rnams/ /de bzhin nyid du gcig pas na/ /gang gi
284a₆ de bzhin de shes pa/ /kun la dbang sgyur thob pa yin/ zhes gsungs so/ /yang bcom ldan 'das 'od zer dpal ngo bo nyid dag pas 'di skad du/ sangs rgyas rnams kyi dgongs pa 'di/ /shes nas de la gang gnas pa/ /rang rig nyid la dbang thob pa'i/ /de bzhin
284a₇ rig pa 'dzin pa nyid/ /ces gsungs so/ /yang bcom ldan 'das dka' thub rgyal po'i ngo bo nyid dag pas 'di skad du/ de nyid ji bzhin mngon gyur na/ /med la mi zad 'byung ba yi/ /che ba'i yon tan rgyun mi 'chad/ /cir snang kun 'byung rin chen gter/ /zhes gsungs

_{iiif viewer powered by OpenSeadragon}

283b - 284b

Texts on this page