rKTs

e-texts navigator

Volume

Page

283b₁ yang bcom ldan 'das snying rje'i rgyal po ngo bo nyid dag pas 'di skad du/ 'khor ba mya ngan 'das rtag pa/ /de bzhin nyid kyi dbyings nyid du/ /ye nas mya ngan 'das pas na/ /rang bzhin lhun grub tshogs gnyis rdzogs/ /zhes gsungs so/ /yang bcom ldan 'das ngo bo nyid dag
283b₂ pas 'di skad du/ chos so cog gi rang bzhin ni/ /ma skyes pa las thams cad skye/ /skyes pa nyid na skye ba med/ /rigs mchog rdo rje skye gnas dam/ /zhes gsungs so/ /yang bcom ldan 'das yongs su dgongs pa'i rgyal po ngo bo nyid dag pas 'di skad du/ de bzhin nyid
283b₃ du kun rig na/ /des khyab gar gnas sangs rgyas zhing / /yon tan rin chen sprin bkod pa/ /dgod par bya ba ci yang med/ /ces gsungs so/ /yang bcom ldan 'das gser gyi 'od zer ngo bo nyid dag pas 'di skad du/ dpag tu med pa'i rgyal ba rnams/ /ji bzhin
283b₄ de bzhin nyid la bzhugs/ /de bzhin nyid dang thams cad kyang / /gnyis med de bzhin de nyid do/ /zhes gsungs so/ /yang bcom ldan 'das 'od kyi dpal ngo bo nyid dag pas 'di skad du/ 'khor ba dang ni mya ngan 'das/ /so sor snang ba ma yin te/ /ji bzhin de
283b₅ bzhin nyid des na/ /de la 'khor ba'i rang bzhin med/ /ces gsungs so/ /yang bcom ldan 'das zhi ba'i dbang po ngo bo nyid dag pas 'di bzhin du/ de bzhin nyid kyi de nyid ni/ /dpag cing gzhal bar mtha' yas pas/ /dpag med rgyal po'i pho brang yin/ /de nas
283b₆ kun bkod der gcig nas/ /zhes gsungs so/ /yang bcom ldan 'das sprin gyi dpal ngo bo nyid dag pas 'di skad du/ thams cad 'byung ba'i cho 'phrul yang / /cir yang 'gyur ba'i ye shes te/ /gdos par gyur pa'i chos med pas/ /ji ltar dmigs pa bzhin
283b₇ du 'byung / /zhes gsungs so/ /yang bcom ldan 'das yid 'ong dbyangs ngo bo nyid dag pas 'di skad du/ /'jig rten 'khor ba'i kha brgyud pas/ /ma rig ngo bo de bzhin nga / /gzhi rtsa med pa'i skad cig ma/ /de nyid rig na bde chen gnas/ /zhes gsungs so/ /

_{iiif viewer powered by OpenSeadragon}

283a - 284a

Texts on this page