rKTs

e-texts navigator

Volume

Page

283a₁ rdo rje dam/ /bcom ldan 'das yon tan kun gyi 'byung gnas ngo bo nyid dag pas de skad ces gsungs so/ /grogs po dag gzhan yang 'di lta ste/ yod mthong snang grags chos so cog /tha dad sna tshogs mtha' yas kyang / /rang bzhin ma bcos de
283a₂ bzhin nyid/ /ma bsgribs 'od gsal rnam dag zhing / /bcom ldan 'das dri med sgra ngo bo nyid dag pas de skad ces gsungs so/ /de bzhin du 'di lta ste/ kun du bzang po'i ye shes 'di/ /sus kyang ma byas rang 'byung ste/ /thams cad 'byung ba'i rtsa bas na/ /rang las
283a₃ byung ba'i dkyil 'khor rdzogs/ /bcom ldan 'das dkon mchog sprin ngo bo nyid dag pas 'di skad ces gsungs so/ /gzhan yang dgongs pa rnam par bshad pa ni 'di lta ste/ ye nas ma bcos ji bzhin pa/ /chos so cog gi snying bo ste/ /med pa las byung sna tshogs snang / /
283a₄ snang med de bzhin dkyil 'khor rdzogs/ /bcom ldan 'das bkod pa'i 'byung gnas ngo bo nyid dag pas de skad ces gsungs so/ /gzhan yang 'di lta ste/ rang 'byung rig pa'i sems nyid kyis/ /ma bcos chos nyid dbyings kyi don/ /lhun grub thabs dang shes rab las/ /yang
283a₅ dag rang bzhin dkyil 'khor gsal/ /bcom ldan 'das seng ge sgra ngo bo nyid dag pas de skad ces gsungs so/ /gzhan yang bcom ldan 'das mdzes pa'i tog ngo bo nyid dag pas gsungs pa/ 'jig rten 'jig rten 'das pa yi/ /bde dang mi bde rnam pa kun/ /de bzhin nyid du ro
283a₆ gcig pas/ /tshor ba bde sdug gang yang med/ /ces gsungs so/ /gzhan yang bcom ldan 'das mdzes pa'i rgyan ngo bo nyid dag pas 'di skad du/ de bzhin nyid du don bstan du/ /de bzhin nyid du kun gcig pas/ /gang gis gang la gang zhig bstan/ /nyid la nyid gleng kho
283a₇ nar zad/ /ces gsungs so/ /gzhan yang bcom ldan 'das rgyal po ngo bo nyid dag pas 'di skad du/ de bzhin nyid kyi dbyings nyid la/ /dus gsum dus bzhir mi rigs te/ /ye shes rig pa'i khyad par las/ /skad cig bskal pa de skad cig /ces gsungs so/ /gzhan

_{iiif viewer powered by OpenSeadragon}

282b - 283b

Texts on this page