| e-texts navigator |
| བོད་ཡིག |
27a1 kyis/ /bya ba'i phrin las sna tshogs dang / /bsam pa'i ting 'dzin rim pa dang / /'phro ba'i 'od zer sna tshogs dang / /blta ba'i yul ni ci dmigs kyang / /ji bzhin pa la g.yos pa med/ /bya ba'i las kyis grub pa med/ /bsam pa'i
27a2 ting 'dzin yal bar 'gyur/ /'phro ba'i 'od zer zhi 'gyur na/ /blta yul gang yang mthong ba med/ /des na btsal ba'i las ma byed/ /kye sems dpa' chen po/ /yul las btsal bas grub pa'i lung de ni/ /rgyu dang 'bras bu'i theg can ston par byed/ /rgyu dang
27a3 'bras bu'i theg can chos nyid ni/ /chos dang chos nyid rnam pa gnyis phye nas/ /chos kyis chos nyid tshol ba rnyed lung med/ /ces gsungs so/ /byang chub kyi sems kun byed rgyal po las btsal bas mi 'grub pa'i le'u ste brgyad pa'o// //
27a4 de nas byang chub kyi sems kun byed rgyal po des ma btsal bas grub pa'i le'u 'di gsungs so/ /kye sems dpa' chen po nyon cig /nga las byung ba'i ston pa sku gsum gyis/ /bstan pa'i theg pa rnam gsum bstan pa ni/ /ston pa gsum gyis mi
27a5 stsol lung ma bstan/ /kun byed nga yis theg gcig bstan pa ni/ /btsal bas grub pa'i lung du ngas ma bstan/ /kye sems dpa' chen po nyon cig /kun byed byang chub nga yi rang bzhin las/ /ma btsal rang bzhin lhun gyis grub pa ni/ /rgyal ba
27a6 kun gyi snying po sku gsum ste/ /nga yi rang bzhin ma bcos chos skur grub/ /nga yi ngo bo ma bcos longs spyod rdzogs/ /nga yi thugs rje mngon phyung sprul sku gsum/ /btsal nas grub pa'i 'bras bu bstan pa med/ /ces gsungs so/ /kye sems dpa'
27a7 chen po nyon cig / sku gsum kun byed nga ru 'dus pa ste/ /ji ltar snang ba'i chos rnams thams cad kun/ /rang bzhin ngo bo thugs rjes ma bcos gsum/ /sku gsum nga yi de bzhin nyid du bstan/ /nga dang nga yi de bzhin nyid las ni/ /sangs rgyas zhes bya'i
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po