rKTs

e-texts navigator

Volume

Page

274b₁ mi 'gyur/ /rnal 'byor las dang 'byor ba rnams/ /dag dang ma dag tshul la sbyor/ /de yang bsod nams dag pa yis/ /gang lam rgya cher mos pa dang / /rnal 'byor rtse gcig rmog btud na/ /rdo rjes sbrel dang las mthun na/ /rgyud rnams yongs su dag la 'bab/ /de yang
274b₂ khyad par rim pas ni/ /rgyal ba'i sku gdung sha ri ram/ /zhing khams kun du khyab par ni/ /mgar dang bzos ni bzlums pa bzhin/ /byas pa med las snang ba dag /dkar 'tsher mdog gsal 'dzag 'dra ba/ /tsan dmar mdangs su gsal ba yi/ /nam mkha' gang bar
274b₃ char bzhin 'bab/ /rig 'dzin sems dpa' sprul pa'i gdung / /dka' gsal 'ga' 'ga' tsam du 'byung / /gang zag sa pa'i rtags chen ni/ /mdog mnyam gcig gsum gnyis gsum gcig /la lar lnga 'am bcu 'byung zhing / /yon tan de ni de ltar ro/ /de
274b₄ yang sra mkhregs rdo rje 'dra/ /lcags kyi gtun gyis yang mi chogs/ /'di dag phebs pa'i yon tan yang / /gang dang gang du babs pa yi/ /yul khams de dag thams cad du/ /nad dang mi ngas bgegs rnams zhi/ /gnod sbyin srin po ma rungs pa/ /drag po gtum po'ang
274b₅ lhan ner 'gyur/ /rgyal po 'khrugs dang khams 'khrugs dang / /yul khams 'khrugs pa'ang zhi bar 'gyur/ /'bras bu lo tog 'phel smin cing / /yid du 'ong ba thams cad 'byung / /yul de dmangs dang rgyal po yi/ /sa bon thams cad bu phor 'gyur/ /bder bcas
274b₆ mtshan ldan rigs mthon ni/ /bu pho kun kyang 'byung bar 'gyur/ /'di dag su la 'chad pa rnams/ /rig 'dzin sa dang skal ba mnyam/ /'jig rten 'di yi bsod nams kyang / /'khor los sgyur rgyal dag dang mnyam/ /de yi dgongs pa kun du 'grub/ /tshe dang skongs
274b₇ dang las 'grub 'gyur/ /phyin cad bla med byang chub ni/ /sa la reg pa'i rtags chen yin/ /gzhan yang yon tan bsam mi khyab/ /de dag rang gi rang bzhin du/ /gnas pa'i yon tan de dag go/ /bsgrubs na yon tan bsam mi khyab/ /sems can rnam pa thams

_{iiif viewer powered by OpenSeadragon}

274a - 275a

Texts on this page