rKTs

e-texts navigator

Volume

Page

265b₁ spyi mthun dang / khyad par gyi rnam pa rnams dgongs pa dam pa de kho na nyid du mthar phyin cing phul du gyur pa'o/ /grogs po dag de dag ni bya ba'i rnal 'byor du shes par bya'o/ /bya ba byed pa'i rnal 'byor gang zhe na/ 'di lta ste/ rten pa dang / spyod pa dang / mig dang /
265b₂ khyad par dang / mi 'gyur ba dang / rtsal gyis gnon pa dang / kun nas rig pa'o/ /grogs po dag de dag kyang dgongs pa dam pa de kho na nyid du mthar phyin cing phul du gyur pa'o/ /grogs po dag gzhan yang 'di lta ste/ sbyor ba dang / mi gnas pa dang / bskyod
265b₃ pa dang / bsgyur ba dang / rtsal dang / 'byung ba dang / 'jug pa dang / sgo dang / shes pa dang / gnas dang / rig pa dang / lam dang / 'jug pa dang / ye shes dang / khyab pa'i rnam pa de dag kyang dgongs pa dam pa de kho na nyid du mthar phyin cing phul du gyur pa
265b₄ yin pa'o/ /gzhan yang mthong ba dang / ma yengs pa dang / don dang / tshig dang / sngags dang / yi ge'i sgo rnam pa de dag kyang dgongs pa dam pa de kho na nyid du mthar phyin cing phul du gyur pa'o/ /grogs po dag de dag ni bya ba byed pa'i rnal 'byor du shes par
265b₅ bya'o/ /kye grogs po dag bya ba med pa'i rnal 'byor gang zhe na/ 'di lta ste/ sa dang / bslab pa dang / sbyor ba dang / rtog pa dang / ltung ba dang / ma nor ba dang / nges pa dang / dgongs pa dang / ye shes dang / tshogs dang / bsgrub pa dang / dngos grub dang / ting nge
265b₆ 'dzin dang / chen po dang / ye shes dang / byung tshul dang / che ba dang / rol pa dang / rngom pa dang / brjid pa dang / mthu dang / cho 'phrul dang / yongs su rdzogs pa'i rnam pa dag dgongs pa dam pa de kho na nyid mthar phyin cing phul du gyur par bya'o/ /de yang ji lta
265b₇ zhe na/ grogs po dag 'di lta ste/ ji ltar mthon ri rtse dag la/ /sgyid mi lug par brtson 'dzegs na/ /mthon sar snang mthong kun gsal bas/ /thams cad kun snang lam la mkhas/ /de bzhin shes rab mthon ri la/ /brtson pa dam pas kun bltas na/ /kun

_{iiif viewer powered by OpenSeadragon}

265a - 266a

Texts on this page