| e-texts navigator |
| བོད་ཡིག |
25b1 'di/ /snying bor gyur pas kun gyi bdag nyid yin/ /bya mi dgos pas ye nas sangs rgyas yin/ /rtsol sgrub med pas ye nas che bar bshad/ /bdag nyid chen po sangs rgyas che bar bshad/ /ma skyes spros bral mngon du phyung ba 'di/ /ye nas gzung
25b2 'dzin bral bas chos kyi dbyings/ /bya mi dgos pas ye nas sangs rgyas yin/ /rtsol sgrub mi dgos ye nas che bar bshad/ /chos dbyings sangs rgyas che ba yin par bshad/ /nga yis nges par mngon du phyung ba 'di/ /dpe don rtags ni rnam pa gsum
25b3 bstan te/ /chos nyid don la nam mkha'i dpe bstan te/ /byang chub sems kyi rtags kyis nges pa ru/ /the tshom za ba rnams la mngon pa ru/ /dpe don rtags kyis de yin sangs rgyas bstan/ /nga yi rang bzhin ma nor nyid 'di ni/ /su la mngon du
25b4 phyung yang mi snang bas/ /de ni ma nor ba yi rang bzhin la/ /bzhin ni bcos pa med pa'i rang bzhin te/ /nyid ni ngo bo nyid la btags pa yin/ /de bzhin nyid kyi rang bzhin de nyid la/ /dus gsum sangs rgyas yod pa'i sgros mi 'dogs/ /khams
25b5 gsum sems can med pa'i skur mi 'debs/ /rtog dpyod bsam pa cir yang dgongs med pas/ /sangs rgyas med pa'i che bar nga yis bshad/ /ces gsungs so/ /byang chub kyi sems kun byed rgyal po las rang bzhin rnam pa gsum mngon du phyung ba'i
25b6 le'u ste lnga pa'o/ / //de nas byang chub kyi sems kun byed rgyal po des sems dpa' rdo rje la gdams ngag phog pa 'di gsungs so/ /kye sems dpa' rdo rje chen po 'di nyon cig /nga ni ye nas kun byed rgyal po yin/ /ston pa bstan pa 'khor
25b7 dus ngas byas nas/ /ston pa'i ston pa yang ni nga yis byed/ /bstan pa nga yi rang bzhin de ston la/ /'khor yang nga yi ngo bo de phyung nas/ /dus gnas nga yi rang bzhin de ru ni/ /kun byed nga yi rang bzhin bstan pa las/ /nga min chos ni gcig kyang bstan pa
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po