| e-texts navigator |
| བོད་ཡིག |
246a1 gang la 'byung ba'i yul mtha' yas pa'i 'khor ba rnams la 'jug par bya'o/ /de ni dper na btso blag mkhan dag gis/ /ras sbyangs gang du bya ba 'jen pa ltar/ /gang 'dir las kyi dang po las/ /gang de sbyar ba rab tu gces/ /de skad ces smras pas/
246a2 byang chub sems dpa' sems dpa' chen po lang ka'i bdag po des 'di skad ces smras so/ /gsang ba pa'i bdag po gang thams cad nas thams cad du ye nas sangs rgyas pas nad gdod sangs rgyas par byar med phan cad dgongs pa'i yul la sbyor ba dang / snying rje'i
246a3 yul du gyur pa gang yang med lags na/ 'dir snying rje'i yul du gyur pa gang lags/ su zhig snying rje'i yul du gyur de skad ces smras pa dang / gsang ba pa'i bdag pos smras pa/ kye lang ka'i bdag po de de ltar kun kyang ye sangs rgyas phan chad de kho na nyid pas snying
246a4 rje'i yul dang dgongs pa'i yul gang yang med na yang gang ji ltar yang chos nyid las mi 'da' ba'i tshul gyis gang dang yang 'gal zhing 'gal bar mi bya'o/ /nang gi don nyid byed pa ni dam tshig chen po yin la/ ye nas sangs rgyas pas don byar med pa ni snying rje
246a5 chen po yin no/ /dgongs pa dam pa la 'jug mi dgos par shes pa ni dgongs pa dam pa'i yul de kho na nyid la zhugs pa nyid du rig par bya'o/ /lang ka'i bdag po 'di lta ste/ dgongs pa dam par gang bzhugs pa/ /zab pa bas kyang ches zab pas/ /de nyid
246a6 gting nas thag gcad phyir/ /gsang ba'i yul bzhi skye bo dang / /lhan cig ci la'ang mi brnal lo/ /de yang yongs su rdzogs pa gang / /bya bas bya ba med na yang / /de yi rang bzhin phan gzhan pa/ /yin pas gang 'dir phan par bya/ /gang gi don dang 'gal
246a7 'gyur ba/ /de las gyur pa'i yo byad dag /rus sbal mgo la 'ongs pa ltar/ /mu mtha' med pas bshug par bya/ /ci phyir kun du rnal 'byor pas/ /rnal 'byor dam pa nyid las min/ /gal te gang gi dbang gis na/ /dam pa'i don dang 'gal 'gyur te/ /de dang
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo