rKTs

e-texts navigator

Volume

Page

244a₁ ces gsol pa las/ gsang ba pa'i bdag pos smras pa/ kye grogs po dag khyad par du 'gro bar bya ba de ni legs so/ /shin tu rab tu legs so/ /sa de ni 'di ltar sa mkhan dam pa rnams kyi rnal 'byor gyis yongs su snang ba zhes bya ba'i sgron ma
244a₂ legs par bkod pa ni 'di lta ste/ sa dang sa yi khyad par ni/ /gang 'dir yongs kyis med pa la/ /shes bya gcod pa'i khyad par gyis/ /rang rig mtho dman rim par zad/ /dper na rgyal po'i dkor mdzod nas/ /che chung thabs 'dod gang su dag /
244a₃ dka' thub phyi nang khyad par gyis/ /spyod sgo 'jug pa'i las thabs las/ /mtho dman rtsal gyis gang len pa/ /rgyal po gcig la spyod na yang / /rin chen sna 'ga' khyad par dag /thabs chen sgo dgu so sor spyod/ /rgyal por gyur na de nor kun/ /dbang
244a₄ bskur byed pa'i bdag po yin/ /mi gnas ma bcos de bzhin nyid/ /shes bya de las med pa la/ /gang 'di rtsal gyi khyad par gyis/ /so so'i 'jug sgo kun nas spyod/ /de yi de nyid de gcig la/ /rtsal 'phang mtho dman khyad par gyis/ /sa yi go
244a₅ 'phang khyad par du/ /rig pa de ltar snang ba yin/ /gang 'dir thams cad gcig pa la/ /de mthong mi mthun de dbang gis/ /dper na 'byung gnas sgo bzhin/ /sa dang rnam thar so so'i sgo/ /gcig la sna tshogs de ltar snang / /sa dang rnam thar gang
244a₆ dag la/ /'jug pa la sogs sa sbyangs kyang / /kun gyi rtsa ba 'dir bcad pas/ /gcig ste tha dad yongs kyis med/ /de ni ri dang lhun po dang / /kun du rgyu dang gzhon nu ltar/ /mthong thos ston pa'i khyad par ni/ /don gyis de ltar yod pa yin/ /des na chos rnams
244a₇ thams cad kyi/ /gnas pa'i sa nyid sems yin pas/ /nam mkha' lta bu'i dpe mtshon te/ /kun gyi sa 'dir shes par bya/ /'di ltar gang shes rnal 'byor pa/ /lam gyi thabs la mkhas pa yi/ /lam stor lam btsal lam rnyed pas/ /nye lam bder rnyed

_{iiif viewer powered by OpenSeadragon}

243b - 244b

Texts on this page