rKTs

e-texts navigator

Volume

Page

243a₁ dus gnas 'jig nub mtshan nyid las/ /tha dad bye brag thams cad du/ /bshig nas med smra yod ces 'dod/ /mos pa chung bas de las min/ /gang 'dir rnal 'byor phyogs rig pa/ /'di kun gang 'dir kho na bas/ /dngos med rnam shes nyid
243a₂ du snang / /de nyid ma bcos de bzhin nyid/ /yod pas chos sku rtag par 'dod/ /nges par 'byed pa'i rnal 'byor pa/ /gang dag sgyu ma'i mtshan nyid du/ /snang bas kun rdzob bya ba byed/ /nges par dbye ba med pa'o/ /la la de ltar de nges te/ /de las ma gtogs de
243a₃ 'ong min/ /de nyid des ni dngos med phyir/ /dam pa nyid du med pa'o/ /la la gang ma zin pa'i phyir/ /de snang ba ni gang na'ang rung / /phra rab sa ni rnam kun mkhyen/ /slu 'drid pa ltar yod ma yin/ /dam pa nyid kyi dam pa gang / /chos nyid ye nas sangs rgyas la/ /
243a₄ de min lta ba bzlog pa'i phyir/ /ye nas sangs rgyas zhes brjod pa/ /tha snyad tsam du brjod par zad/ /ye nas brjod pa tshig gi lam/ /tha snyad gnyis dang bral ba la/ /sgro skur tshig gi snyad mi gdags/ /brjod pa'i tha snyad tshig lam 'das/ /nam mkha' 'di ni
243a₅ yod med ces/ /blun po rnams ni rtsod par 'gyur/ /mkhas pa rnams ni de lta min/ /gang de rtsod la ngo mtshar che/ /de bzhin nyid 'di yod med ces/ /byis pa rnams ni rtsod par 'gyur/ /skyes bu gang dag de lta min/ /rtsod pa shes rab 'chal par zad/ /'di
243a₆ ltar snang ba'i chos thams cad/ /ye 'am ngang gis sangs rgyas la/ /min las yin par 'gyur ma yin/ /ngo bo nyid kyi de nyid la/ /yin dang min zhes ci byar yod/ /nam mkha' 'di ni med do zhes/ /mi shes gang gis rtog par byed/ /gang shes ye nas yang mi
243a₇ rtog / min par mi rtog tshig mi brjod/ /rgyu dang las dang rnam grangs la/ /mtshan nyid nges pa ngo bo dang / /'bras bu dgos ched re re 'byung / /'di ltar 'dir ni gang gi rgyu/ /rang 'byung de nyid rtog dpyod bcas/ /gang dag gang la skye mched pa/ /gnyis po 'di

_{iiif viewer powered by OpenSeadragon}

242b - 243b

Texts on this page