| e-texts navigator |
| བོད་ཡིག |
242b1 sems kyi gsang mthong na/ /sngon ma mthong ba'i lam mthong bas/ /mthong ba ci yang med pa nyid/ /gang la snang ba lam mthong yin/ /grogs po dag de dag ni dam pa rnams kyi rjes lam dam pa zhes bya ba 'di skad thos pa yongs su bgros pa'o/ /sangs rgyas
242b2 kun gyi dgongs pa 'dus pa'i mdo chen po las rnal 'byor rjes 'jug gi le'u ste lnga bcu dgu pa'o/ / //de nas yang lang ka'i mnga' bdag la sogs pa grogs kyi sems dpa' rnams kyis gsang ba pa'i bdag po la yongs su dri ba dris pa/ kye gsang
242b3 ba pa'i bdag po 'dir rin po che 'bar ba'i sgron ma bsrel bar bya'o zhes dam bca' bar dgongs pa ji ltar yongs su shes par bgyi/ de skad ces dri ba yongs su dris pa las/ gsang ba pa'i bdag pos smras pa/ kye grogs po dag rin po che 'bar ba ni 'od
242b4 kyi 'byung gnas lags te/ /'thor rlung tshogs kyis kyang mi sod pas mun pa sel bar byed pa kho na bas sgron me zhes bya'o/ /de ni 'di ltar mi shes pa sel ba'i shes pa nyid yin te/ nyi ma'i snying po'am rin po che'i sgron ma la mun pa'i gzhi med pa bzhin gang
242b5 shes pa'i rang bzhin la mi shes pa'i gzhi med do/ /de yang 'di ltar sgron ma dam pa nub par gyur pa na kun gyi de nyid gcig kho na la khyad par gyi rnam par 'byung bar 'gyur ba ni 'di lta ste/ mun pa'i shes pa dang / ya mtshan can gyi shes pa dang / byis pa
242b6 rnams kyi shes pa dang / phyogs su rigs pa'i shes pa dang / mtha' dbus 'byed pa'i shes pa dang / dam pa nyid kyi shes pa'o/ /kye grogs po dag gang mun pa'i shes pa ni gang 'di las log par shes pa'o/ /log sred can gyi shes pa ni tha dad smra zhing
242b7 gnyis su 'dod pa'o/ /byis pa rnams ni 'di lta ste/ gang med par smra zhing thams cad yod par 'dod pa'o/ /de yang 'di ltar rdul nas dpag tshad skad cig ma/ /bskal pa skar ma nyi zla dang / /ri bo khor yug lus can lus/ /sems dang tshe la longs spyod tshad/ /
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo