rKTs

e-texts navigator

Volume

Page

240b₁ the tshom med par 'byung bar 'gyur/ /slu ba'i thabs kyis gzung ba'i phyir/ /so so mos pa sna tshogs kyis/ /lta spyod rnams dang mthun 'jug tu/ /sbyar nas bsten 'brid thabs su gsungs/ /dper na log spyod byis pa rnams/ /pha mas sdigs bred thabs
240b₂ kyis ni/ /bya ba'i las la gzud pa ltar/ /brtse bas don la 'dren pa'o/ /de yang ji ltar la la zhig /chu bo pha mthar 'gro 'dod pa/ /gru ba dag la brten pas 'gro/ /mthar son pas na 'bor ba bzhin/ /thabs sam theg pa'i bye brag rnams/ /brten
240b₃ pas drang ba'i thabs yin yang / /don gyi nges pa rnyed ma thag /chu bo rgal ba'i gru bzhin 'dor/ /des na de bzhin nyid shes na/ /thams cad thams cad gang yang rung / /dam pa'i lam du nges pas na/ /lam gyi nang na nye lam yin/ /de skad ces gsungs nas cang
240b₄ mi gsung bar bzhugs so/ /kye grogs po dag de bas na dam pa rnams kyi rjes lam dam pa 'dir zhugs na thams cad nas thams cad du rnam pa thams cad kyi thams cad du shes pa dang / gsal ba dang / ma 'dres pa dang / yongs su rdzogs par 'gyur te/
240b₅ 'khor ba yongs su shes par 'dod pas kyang lam 'di shes par bya'o/ /mya ngan las 'das pa yongs su shes par 'dod pas kyang lam 'di shes par bya'o/ /gzhan yang cho 'phrul chen po nyi shu thob par 'dod pas kyang lam dam pa 'di yongs su shes par
240b₆ bya'o/ /rtog pa'i ri bo brgyad cu gzhil bar 'dod pas kyang lam dam pa 'di yongs su shes par bya'o/ /ltung ba'i sgo dgu chad par 'dod pas kyang lam dam pa 'di yongs su shes par bya'o/ /de la sogs pa mtha' yas pa'i/ /thams cad thams cad
240b₇ yongs rdzogs pa'i/ /shes par 'dod pa gang dag gis/ /dam pa'i lam 'di shes par bya/ /sems nyid dam pa'i lam nyid de/ /mkha' la bya lam rjes med bzhin/ /nyam nga log med dam pa'i lam/ /'di ltar nges pa'i lam 'di yang / /kun gyis shes

_{iiif viewer powered by OpenSeadragon}

240a - 241a

Texts on this page