| e-texts navigator |
| བོད་ཡིག |
238a1 mtshag dang nyam phyir ga la yin/ /ma bcos rnal ma ji bzhin bza'i/ /'tsho ba'i ched du bcos mi bya/ /chags dang ma chags spang blang med/ /blang bar bya ba ma yin zhing / /slong mos 'tsho bar yong mi bya/ /ci'i phyir de ni mi 'gyur phyir/ /
238a2 'tsho ba yongs su ma dag pa'o/ /mtshams med pa las mtshams gcod pa/ /'di ni rnal 'byor can gyi las/ /shes bya nang gi chos nyid la/ /rnal 'byor don du 'jug pa na/ /phyi yi 'du 'dzi g.yeng ba yis/ /bar du gcod pa bsal ba'i phyir/ /phyi dang
238a3 nang gi so mtshams su/ /'gro 'ong 'drul rnams gcad par bya/ /gang la gnas gzhi rten med pas/ /gnas bder lus bcos kha na med/ /zhen pas spyod lam bcos byed pa/ /des ni lus bcos bslad pa yin/ /bsam gtan lus dben bcos mi
238a4 bya/ /de la de dben ma bcos pa/ /de nyid ye nas dben pa'i gnas/ /'di ni rnal 'byor mchog gi yul/ /ri phug gzhal med bcos mi bya/ /de nyid dpag med ma bcos pa'i/ /'di ni ye nas rmad 'byung gzhal/ /byed pa med par rang byung ba'o/ /rdo rje
238a5 ngag gi spyod yul yang / /dam pa'i ched du snyan smra las/ /gzhan du kha gsag ga zha min/ /brjod pa thams cad nges pa nyid/ /gsong por smra zhing tshig mi 'gyur/ /ji ltar brjod pa de bzhin bya/ /thams cad kun du smra ma yin/ /gang brjod don dang
238a6 'brel bar bya/ /skabs dang dgos ched ma gtogs pa/ /rnam par 'chal bar bya ba min/ /kun la dpes mtshon thog tu dbab/ /thams cad tshad pas tshad mar bya/ /ma bcos ngang gi rnal 'byor pa/ /rdo rje ngag gi spyod par bshad/ /rdo rje yid kyi spyod
238a7 yul ni/ /ma bcos ma g.yos bsam dang bral/ /mi g.yeng ma rmugs gsal zhing gnas/ /'dod la ma chags sgro skur bral/ /blang med dor med chags sdang med/ /'chab bcom med de rnyed 'byor min/ /phyogs bral mu med yongs su dag /go bgos lam
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo