rKTs

e-texts navigator

Volume

Page

237b₁ grags/ /bla med mchog la dam par snang / /gcig gi don las ma g.yos kyang / /'dul ba'i ngo la so sor grags/ /de bzhin nyid ldan dam pa ste/ /de las 'das na tshig par 'gyur/ /gcig bsrungs pas na kun bsrungs pa'i/ /dam pa'i dam tshig
237b₂ chen po 'di/ /kun dang 'gal bar mi bya zhing / /gang gi don du 'gyur bar bya/ /grogs po dag de dag ni mi 'da' ba'i rang bzhin du shes par bya'o zhes thos pa yongs su bgros pa'o/ /kye grogs po dag de ltar spyod pa'i rang bzhin gang zhe na/ 'di lta ste/
237b₃ lus dang ngag dang yid gsum gyi/ /mtha' gsum yongs su dag rdzogs na/ /dam pa'i spyod pa yin pas na/ /dman min dam pa'i rigs shes bshad/ /rdo rje lus kyi spyod pa ni/ /phyin pa med las lus mi bcos/ /gcig pu nyid pas gcig tu gnas/ /
237b₄ glang po'i lta stangs ji bzhin dang / /de bzhin rnal mas gnas par bya/ /gang du gnas pas rtag par gnas/ /gnas pa de la chags mi bya/ /spyod lam rnam bzhir gar ldan pa/ /ma bcos rnal mar gnas par bya/ /gang gis gdung ba mi nyen pa'i/ /gnod
237b₅ pa skyob pa dag tsam las/ /bzang dang rgyan phyir bcos mi bya/ /gang du ji ltar bde ldan sbyar/ /rdo rje sngags kyi spyod yul ni/ /bya ba med pa'i rnal 'byor pas/ /mchod rten dag gi las mi bya/ /glegs bam bklag par mi bya zhing / /gzugs brnyan brtsam
237b₆ pa'i las mi bya/ /lag gi phyag rgya mi bcing zhing / /ngag gi bzlas pa de la sgrib/ /rnal 'byor lus kyi phyag mi bya/ /rnyed dang bkur sti blta ma yin/ /khe phyir ma yin grags phyir min/ /ci phyir phyi rol g.yeng ba dang / /shin tu g.yeng ba yin pa'i phyir/ /
237b₇ de la nye ba ma yin pas/ /lus 'di rnal mas gnas par bya'o/ /rnal 'byor nges pa'i bsam gtan pas/ /rdo rje sngags kyi kha zas ni/ /lus zungs 'dzin pa'i rten tsam du/ /gar ldan 'byor ldan ma gtogs pa/ /zas phyir ched du bsgrub mi bya/ /

_{iiif viewer powered by OpenSeadragon}

237a - 238a

Texts on this page