rKTs

e-texts navigator

Volume

Page

236a₁ chos kun rang 'byung rang rig ye shes snang / /de don ma skyes ma byung ma skyes te/ /rgyu dang 'bras bur btags pa yang ye med/ /de ltar gang rig de nyid tshogs gnyis rdzogs/ /don la mnyam bzhag blo bcos skyon nyid ni/ /de dang 'gal zhing de dang
236a₂ phrad mi 'gyur/ /de las nges blo khyab par btang ba ni/ /de dang mi 'gal de nyid nges pa ste/ /rang rig dus na de la gnyis su med/ /snying po de nyid rgyu 'bras lhun gyis grub/ /de yi dus na don dam nyam drod rdzogs/ /snang dang mi snang rtag chad la sogs pa/ /nyam drod
236a₃ nges pas don gyi gting phol te/ /tha dad phyogs kyi the tshom 'di bcad pa'o/ /de nyid de la zhen nges blo brtan zhing / /gang dang 'brel pas lta ba'i thag chod na/ /dman pa'i lus la dam pa'i go 'phangs can/ /dbang phyug yin pas de la gus phyag 'tshal/ /g.yo sgyu med
236a₄ pa'i yo byad chen po lngas/ /dbang po'i spyi gtsug nor bu bzhin du lta/ /kun nas 'dus pa'i dgongs pa tshig gsum po/ /yid ches nges pas blo yi gdeng du bya/ /tshig gsum don la nges rnyed mngon du 'gyur/ /nges pa'i don ni rang rig kho nar zad/ /gsang ba'i
236a₅ bdag pos de skad ces smras pas/ lang ka'i bdag po la sogs pa dman pa'i lus kyi sems dpa' rnams kyis chos thams cad kyi rtsa ba gtan la nges par phebs par gyur to/ /sangs rgyas kun gyi dgongs pa 'dus pa'i mdo chen po las chos thams cad
236a₆ kyi rtsa ba gang snang ba dag pa'i spyod yul bstan pa'i le'u ste lnga bcu drug pa'o/ / //bam po dgu par zug pa/ de nas yang lang ka'i bdag po la sogs pa dman pa'i lus kyi byang chub sems dpa' sems dpa' chen po de rnams kyis gsang ba pa'i
236a₇ bdag po la yang gang gi dri ba yongs su dris pa/ kye gsang ba pa'i bdag po 'dir nyid kyis chos kyi rnam grangs bcur bkod pa las rang bzhin ma bcos par bya'o zhes thos na de ji ltar yongs su shes par bya/ rang bzhin ni gang / gang ltar na ma bcos/

_{iiif viewer powered by OpenSeadragon}

235b - 236b

Texts on this page