rKTs

e-texts navigator

Volume

Page

234b₁ bya'o/ /lang ka'i bdag po 'di lta ste/ mun khung gser stor sgron mas rang snang ltar/ /ma rig mun par sems stor rang snang ba/ /dgongs pa kun nas 'dus pa'i rtsa ba 'di/ /snga rabs 'das pa'i dgongs pa 'dus nas gsungs/ /chos kun rtsa ba sems 'di
234b₂ nyid la 'dus/ /sems nyid gnas 'gyur ye shes lngar snang ba/ /de nyid don la nges par bzhag pas na/ /sems nyid gnas 'gyur ba yang de nyid yin/ /ye shes lnga nyid de la rdzogs pas na/ /ye shes lnga yang gcig tu 'dus pa yin/ /sems kyi chos
234b₃ nyid ji bzhin de rtogs na/ /ye nas sangs rgyas ma nor ma bcos par/ /bdal khyab sa nyid non pas 'dus par gsungs/ /gnas skabs de na yod med lta mthar thug /sems kyi de bzhin ji ltar yin pa dang / /deng rgyun yod med shes par bya/ /de bzhin
234b₄ nyid la gang 'dir ji ltar blta/ /de nyid snang ba yin nam mi snang ba/ /'o na sangs rgyas yin nam sangs rgyas min/ /de las gzhan na sangs rgyas yod dam med/ /'di ltar cir bzhag gros kyis chod par bya/ /'di ltar nges nas de ltar gyur na yang / /blo
234b₅ bur las lam mi dgag de bzhin spyad/ /des na kun gyi rang bzhin de nyid 'dus/ /de la bsam med dmigs med der bzhag na/ /cir snang cir srid mtshan med de gcig pa/ /skye 'gag med pa'i de nyid ye sangs rgyas/ /de nyid ma yengs pas na ma
234b₆ bsal yang / /rdzogs pa spyir chib sa nyid ye nas non/ /de nyid nyam drod nyams su gsal na yang / /chos kun sgo dang mi 'gal bstan pa'i phyir/ /ting 'dzin gsum ldan gol sa'i sgo bkag nas/ /drod chen gsum gyis dam pa'i dgongs pa myong / /des
234b₇ na ting 'dzin rnam gsum nyams rnyed pas/ /'bras bu pha rol phyin drug rang bzhin rdzogs/ /sems nyid ma bcos nam mkha' ngang la gzhag /des na dran cing rtog pa ci byung yang / /de bzhin ma bcos nyid kyis la bcad pas/ /ngang gis ma bcos yang gis 'od

_{iiif viewer powered by OpenSeadragon}

234a - 235a

Texts on this page