| e-texts navigator |
| བོད་ཡིག |
225a1 nges pa dam pa'o zhes/ /gang dag 'di ltar dam 'cha' ba/ /gang la re dogs med pa yi/ /gol sgrib nyid du nges par snang / /ci phyir dbus mtha' 'byed pas na/ /dbus yod mtha' yang rang bzhin 'byung / /dbus med mtha' yang ngang gis
225a2 med/ /dbus mtha' 'byed pa de nyid nang / /mtha' dang dbus bral de kho na/ /mi gnas mi len mi 'byed cing / /ci yang ma yin mthong thos med/ /ci yang mi 'byed bya dang bral/ /snang med snang ba'i tha snyad bral/ /bsam du med pa'i chos nyid ni/ /mi
225a3 bsam de bzhin nyid du gzhag / bsam gyis mi khyab chos rnams kun/ /bsam med de bzhin nyid las med/ /sa dang rnam thar la sogs pa/ /chos sku byang chub dkar po'i phyogs/ /kun kyang bsam du med pa yi/ /gol sgrib chen por gyur pa yin/ /
225a4 'da' dka' chen po'i dka' thub ni/ /ma bcos de bzhin nyid kho na/ /dpag med rgyal ba 'da' bar dka'/ /gang gzugs med las gang 'dzin gol/ /bdal khyab chen po'i sa 'di ni/ /ye nas ma bgrod rang bzhin bkod/ /sa 'dir ma chub gang yang
225a5 med/ /gang 'dir sa bkod gang bgrod gol/ /de bzhin de rig ye 'byung la/ /khyad par rim par 'byung 'dod gang / /gang 'dir rmongs pa kho na'o/ /rang byung de las nges par grol/ /bsam yul dmigs su med pa la/ /btang snyoms chen po'i rnal 'byor
225a6 pa/ /ji bzhin pa nyid yin bzhin du/ /lus dben sems 'chos gol sar zhugs/ /kun grol chen po de nyid la/ /bcing grol med par nges bzhin du/ /gang 'dir dka' thub rtogs pas bcings/ /rnam grol chen po nyid las gol/ /ye nas ma bcos nyid
225a7 kho na ra/ /gang gnas de nyid de kho na/ /de la gol sa ga la yod/ /gol sgrib nyid kyang de kho na/ /de skad ces bgros pas lang ka'i bdag po la sogs pa dman pa'i lus kyi sems dpa' rnams gang gi bcing ba las yongs su grol te re rtsol gyi the tshom chad
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo