rKTs

e-texts navigator

Volume

Page

224a₁ rnams zhi bar 'gyur/ /des ni 'dod khams tha mar min/ /mtshan ma de yang ji ltar na/ /de yang 'byung ba dag la 'byung / /dran pa skyon dang zhir shes na/ /rgyu ba'i skyon rnams sel bar byed/ /'dod khams gnyis par de dag
224a₂ min/ /rgyu ba de yang gang de bzhin/ /de yang de ltar byung ba yin/ /de nyid de ltar shes gyur na/ /skyon gyi tshor ba sel bar byed/ /'dod khams gsum par de yang min/ /de nyid de ltar der brtsad na/ /gang de phyi dang nyid kho na/ /de nyid skyon du rab shes na/ /
224a₃ 'gag dang skye ba ga la yod/ /de ni 'dod khams bzhi par min/ /de yang gang las skye mched na/ /sems kyi chos las gyur pa ste/ /sems nyid sgyu mar rab shes na/ /sems kyi chos rnams zhi bar 'gyur/ /phung po gzugs brnyan 'dra ba la/ /
224a₄ sems ni smig rgyu lta bur 'dod/ /yod med gnyis kyi mtha' las grol/ /de shes 'dod khams lnga par min/ /sems nyid yod pa'i dngos po'am/ /med ces bya bar mi lta bas/ /ya mtshan can du ltung mi 'gyur/ /bying rmugs can du ma gyur pas/ /
224a₅ bsam gtan skyon du de mi 'gyur/ /'du shes rjes su ma 'brangs pas/ /sems can gnas su de yong min/ /kun 'byung kun gzhi nyid mthong bas/ /zhi ba'i gnas su yang ma yin/ /zhi bas zhi bar mi lta bas/ /rang rgyal gnas su'ang ga la yin/ /
224a₆ rnam rig tsam du 'ang min pas na/ /sems dpa' de yang der ma yin/ /stong nyid mnyam pa'i dbu ma la/ /so so tha dad dbyer med pas/ /sa yi rim pa sbyong ma yin/ /phyogs lta mtha' 'das dbu ma nyid/ /rang bzhin med pa de nyid la/ /sems nyid kyi nad
224a₇ skad cig mas/ /mi g.yo rgyun du dran par bya/ /de ltar de la mnyam gzhag na/ /rtags kyi tshor ba 'di ltar 'byung / /drod dang rtags dang cho 'phrul dang / /mngon par dang ni ye shes 'byung / /drod ni g.yo dang thob pa dang / /rtags ni 'byung dang brtan pa

_{iiif viewer powered by OpenSeadragon}

223b - 224b

Texts on this page