rKTs

e-texts navigator

Volume

Page

222b₁ de nyid rnyed pa nyid las byung / /kun brtags kun nyid dben na snang / /kun la sbyor bas don byed nus/ /the tshom chad pas mthun par snang / /mdor na gsum nyid kho na la/ /lar na gnyis nyid kho nar zad/ /nges par gcig las med pa yin/ /thams cad
222b₂ 'dir 'dus 'di las byung / /kun gyi rtsa ba 'di shes na/ /kun kyang ma bcos ji bzhin pa/ /de bzhin nyid de kun gyi mdo/ /sgyu mar kun snang dngos gzhi med/ /chags pa med pas yid mi 'khrug /nam mkha'i ngang la rang bzhin med/ /brtag tu
222b₃ med pas dngos dang bral/ /snying po nyid las gzhan pa med/ /sna tshogs dag gi rgyun du 'char/ /sgron mar snang bas mun pa sel/ /yid bzhin nor bu nyid las byung / /skye 'gag med pas 'jigs dang bral/ /cir yang ma nges nyam mi nga / /chub na
222b₄ bya brtsal kun dang bral/ /go ba'i yul na bgrod pa med/ /de nyid chen po'i tshig re rer/ /rgyal ba kun gyi dgongs pa brgyud/ /gzhan du rtsa ba gsum bcad kyang / /gsang ba'i don nyid nyid las 'byung / /gang zhig gzhan du gang tshol ba/ /de ni gol
222b₅ ba'i lam du zhugs/ /rnam rtog mun pa'i sgrib pas bsgribs/ /gang ma rig pa de bsgribs yin/ /rnam par rtog pa de nyid bgegs/ /bgegs ni de nyid de las byung / /gang la rnam rtog ma byung na/ /bdud ces bya ba ga la yod/ /bdud ni gang
222b₆ las byung zhe na/ /rtag tu 'grus las byung ba yin/ /'grus med nyid las bdud mi 'byung / /ci phyir mi 'grus de nyid bdud/ /de bzhin skyon dang gol sgrib ni/ /yon tan mnyam du mthong las 'byung / /gal te yon tan mnyam mthong med/ /skyon dang
222b₇ gol sgrib ga la yod/ /de nyid skyon dang gol sgrib yin/ /gang nyid mngon du ma gyur na/ /gsang ba'i don byung gang bsrel yang / /nad pa sman srel thabs med bzhin/ /nges pa'i thabs med gnas ngan 'khyam/ /yul dang mtshan ma dngos po dang / /dran

_{iiif viewer powered by OpenSeadragon}

222a - 223a

Texts on this page