rKTs

e-texts navigator

Volume

Page

217a₁ kun du rab tu ldeg /'khrugs rab tu 'khrugs/ kun du rab tu 'khrugs/ 'ur rab tu 'ur/ kun du rab tu 'ur/ chem rab tu chem/ kun du rab tu chem/ mtha' mtho na ni dbus dma'/ dbus mtho na ni mtha' dma'/ shar mtho na ni
217a₂ nub dma'/ nub mtho na ni shar dma'/ lho mtho na ni byang dma'/ byang mtho na ni lho dma' bar gyur te/ zhing khams thams cad bdag rdo rje sems dpa' sha dag lta bur gyur nas gsang sngags kyi ngo bo nyid phyin ci ma log pa'i tshul gyis rgya cher brjod pa'i
217a₃ sgra rnam par brjod do/ /bdag sems dpa' rdo rje nyid rnam par rngam pa'i tshul gyis ston pa'i mdun logs su seng ge rdo rjes mtshon pa'i khri la 'gying bag gi tshul gyi rnam par gnas so/ /de nas 'dus pa'i tshogs 'khor phal mo che rnams kyis bcom ldan
217a₄ 'das la 'di skad ces gsol to/ /e ma'o bcom ldan 'das sems dpa' rdo rje 'di ni 'di ltar mthu che ba/ 'di ltar byin gyis brlabs che ba/ 'di ltar rgyu che ba/ 'di ltar mkhas pa/ 'di ltar gsal zhing zab pa ni bcom ldan 'das kyi thugs dang 'bral cing
217a₅ thugs las skyes pa/ de kho na nyid dang 'brel cing de kho na nyid las skyes pa lags so zhes gsol pas kho bo la bstod pa dang / lang ka'i bdag po bcom ldan 'das des de dag la bka' stsal pa/ 'dus pa chen po'i tshogs sems dpa' rdo rje 'di ni byang chub
217a₆ kyi sems kyi ngo bo/ /snying rje thams cad kyi bdag po/ thabs thams cad kyi mchog /sangs rgyas thams cad kyi rje btsan/ byang chub sems dpa' thams cad kyi yab/ rnal 'byor kun gyi rnal 'byor/ /mya ngan las 'das pa kun gyi ded dpon/ bdud
217a₇ thams cad kyi yang bdud chen po/ /sangs rgyas thams cad kyi yang gdul dka' 'dul ba/ chos thams cad kyi mdzod/ gsang ba thams cad kyi bdag po/ ye shes thams cad kyi 'byung gnas chen por gyur pa yin no/ /de ci'i phyir zhe na/ thog ma dang tha ma

_{iiif viewer powered by OpenSeadragon}

216b - 217b

Texts on this page