rKTs

e-texts navigator

Volume

Page

215a₁ pa'i cho 'phrul ston/ /e ma'o yid bzhin gsung mchog sgra brnyan lta bu las/ /snyan pa'i byin brlabs rdo rje brjod mdzad cing / /yan lag rgya mtsho mi bzad bkod pa'i gsung / /seng ge sgra yis gsang sngags rgya mtsho ston/ /e ma'o ye
215a₂ shes snying po nyi ma lta bu las/ /'bar ba'i byin brlabs rdo rje bde mdzad cing / /thig le spros bral rnam par mi rtog thugs/ /rnam grol de nyid nges pa'i cho 'phrul ston/ /mi shes blun rmongs 'dam bying 'gro ba rnams/ /sdug bsngal dra bas bcings pa
215a₃ thabs kyis khrol/ /ma rig mun pas long ba don gyis phye/ /'khor ba'i rgya mtsho rol pa'i gru yis sgrol/ /de bzhin gshegs pa kun gyi thugs chen po/ /ye shes don gyi snying po mchog dang ldan/ /rnal 'byor theg chen rdo rje kun 'dus lung / /'dus pa'i
215a₄ tshogs la rgya cher bshad du gsol/ /a ho zhes nges par btud de gsol ba btab bo/ /de nas bcom ldan 'das gsang ba mchog gi bdag po de rdo rje rol pa de kho na nyid kyi glu des gsol ba btab pas 'khor thams cad la gzigs te 'dzum pa mdzad
215a₅ pas/ thugs rnam par dag pa'i klong nas rig pa'i nyi ma brjod kyis mi lang ba'i yang mi lang ba 'od zer 'byam klas pa kun nas kun du khyab par mdzad do/ /'od zer de dag re re las rdo rje gnod sbyin dang / rdo rje srin po lta bu'i gzugs sna tshogs 'byung
215a₆ ngo / /de dag re re las kyang sangs rgyas 'bum phrag dpag tu med pa 'khor so so'i zham ring dang bcas pa zhing khams mtha' yas par khyab cing snang bar gyur to/ /de las rig pa'i nyi ma'i 'od nam mkha'i khams khyab par byung bas mun pa mun nag smag tu
215a₇ gyur pa thams cad yang dag par bsal lo/ /rig pa'i chos kyi 'brug sgra dang / chos kyi char dang / chos kyi glu sna tshogs dang / chos kyi gar sna tshogs dang / chos kyi mchod pa sna tshogs 'byung ste/ 'byam klas pa'i nam mkha' la phan tshun dang / yan

_{iiif viewer powered by OpenSeadragon}

214b - 215b

Texts on this page