| e-texts navigator |
| བོད་ཡིག |
213b1 grags pa'i zhing khams na/ thun mong ma gyur gsang ba'i sku ste/ gsang ba'i 'khor brjod kyis mi lang ba'i yang mi lang ba 'di lta ste/ gsang ba'i sems dpa' chen po rdo rje myur ba dang / rdo rje chen po mgyogs pa dang / rdo rje chen po rnon po dang /
213b2 rdo rje chen po 'byung ba dang / rdo rje chen po 'byed pa dang / rdo rje chen po che ba dang / rdo rje chen po yangs pa dang / rdo rje chen po zab pa dang / rdo rje chen po brtan pa dang / rdo rje chen po sna tshogs la sogs pa shin tu gsang ba'i 'khor 'byung 'jug dang
213b3 bcas te/ gang the tshom gcod pa dang / chod pa dang / zhu bar sdog pa'i tshul du bzhugs so/ /de ltar na de bzhin gshegs pa thams cad re re la yang sku'i bye brag 'di ltar snang zhing tha dad du snang ba yang med do/ /gcig dang tha dad pa'i ngo bo las
213b4 kyang grol la/ lhan ne lhang nge lham me lhag ger kun nas kun du snang ngo / /de'i tshe de'i dus na mi chen po'i spyod yul thabs kyi theg pa chen po'i gsang ba'i snying po 'di sku bzhi rnam par snang ba la thos pa phyin ci ma log pa'i don rgyal ba'i sras dag la de
213b5 kho na nyid ltar bgro ba ni 'di lta ste/ de bzhin gshegs pa thams cad chos thams cad dgongs pa mnyam pa nyid la shar bar mkhyen nas sku mnyam pa nyid mi dmigs pa zhes bya ba'i ngang la rnam par bzhugs so/ /gsung mnyam pa nyid mi dmigs pa zhes
213b6 bya ba'i ngang la rnam par bzhugs so/ /thugs mnyam pa nyid mi dmigs pa zhes bya ba'i ngang la rnam par bzhugs te/ 'jug pa'am/ ldog pa'am/ rnam par ldog pa mi dmigs so/ /lang ka'i bdag po gnyis ni gang byung brjod pa gnyis nyid do/ /lang ka'i
213b7 bdag po de dag ni rgyu'i yan lag ces bya'o/ /sangs rgyas kun gyi dgongs pa 'dus pa'i mdo chen po las gleng gzhi phun sum tshogs pa bstan pa'i le'u ste bzhi bcu bdun pa'o// //lang ka'i bdag po rtsa ba'i yan lag gang zhe na/ 'di lta ste/
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo