rKTs

e-texts navigator

Volume

Page

212a₁ 'du 'bral med par kun du 'ub chub ste/ dngos po med pa'i ngo bo nyid du bzhugs so/ /gsang ba'i snying po de kho na nyid kyi tshig 'di skad mthun 'jug thabs su thos pa'i dus gcig na/ de bzhin gshegs pa thams cad kyi bcom ldan
212a₂ 'das gsang ba mchog gi bdag po de blang dor mi mnga' byin gyis brlabs kyi dbang phyug / 'dod pa kun 'byung mi zad mdzod kyi bkod pa/ che ba kun spyod dam par rol pa'i gzi brjid dang / brlabs su gcod pa'i spyod pa chen pos skyod pa de rmad du byung
212a₃ don 'di nyid gleng ba'i gnas/ tshogs chen rdzogs pa'i gzhi/ rtsal chen rdzogs pa'i sa/ bde ba can zhes bya ba'i zhing khams na 'og min chos kyi dbyings kyi pho brang rin po che sna tshogs kyi gzhal yas khang mtha' dang dbus med cing rtse mo kun du rgya mnyam
212a₄ pa/ rin po che'i rgyal bos rnam par brgyan pa/ mu tig gi lcang lo dang / chun 'phyang dang / lda ldis mdzes pa/ rtsibs kun du nyi ma dang zla ba rangs pa dang / ma rangs pa 'phyo bas gsal btab cing 'phra bkod pa/ skar ma dang shin tu skar ma dag
212a₅ gis gzer spras pa/ rin po che'i ka ba brgyad zug pa/ nyi ma dang zla bas brgyan pa/ rin po che'i ka rgyan las/ rin po che'i gtsar dang 'od zer kun du 'phro ba/ gdung chen po brgyad re'u res bres pa/ chos nyid kyi bla re la rdo rje'i shar bu byung ba/ rdzu
212a₆ 'phrul gyi sprin phung gtibs pa/ byang chub kyi char mngon par 'bab pa/ nyon mongs pa'i gdung ba sangs par gyur pa/ ye shes kyi myu gu mngon par bskyed pa dang / chos nyid sgra mngon par sgrogs pa las kun gzhi ye 'byam rmad du grags pa'i gleng
212a₇ slong ba/ tshig gi brjod pa dang bral zhing bzhin dang me long gi tshul ltar snang ba/ gzhal yas khang rdo rje mngon par dga' ba/ rdo rjes rnam par brgyan pa/ rin po che sna tshogs las grub pa/ gser gyi sa gzhi bdal ba/ me long ngam/ chu shel lam/ chu

_{iiif viewer powered by OpenSeadragon}

211b - 212b

Texts on this page