| e-texts navigator |
| བོད་ཡིག |
206b1 na'o/ /mthong ba mngon thos rnam gnyis la/ /mthar phyin dam pa mngon sum pa/ /blo gros rnal 'byor spyod yon can/ /thos pas mthong bar 'gyur phyir ro/ /stug po bkod pa'i rgyal ba yang / /chos sku snying por gyur pas na/ /de yi 'gro ba mi smin phyir/ /
206b2 gzugs sku bstan nas tshig lam brjod/ /'das dang ma 'ongs da ltar gyi/ /dpag tu med pa'i dus rnams su/ /rgyal ba rnams kyi dgongs pa gang / /ji ltar rnam par bgros pa nyon/ /lang ka'i bdag po 'di lta ste/ /dam pa rnams kyi dgongs pa la 'jug
206b3 par 'dod na mdzod du 'jug par bya'o/ /rang bzhin ma bcos par bya'o/ /ljon shing bskyed par bya'o/ /dam par 'jug par bya'o/ /sgron ma bsrel bar bya'o/ /khyad par du 'gro bar bya'o/ /yul la 'jug par bya'o/ /me long brtag par bya'o/ /mthun par 'jug par
206b4 bya'o/ /nad gso bar bya'o/ /smras pa/ gsang ba pa'i bdag po chos kyi rnam grangs bcu po de dag ji ltar yongs su shes par bgyi/ smras pa/ lang ka'i bdag po chos kyi rnam grangs bcu po de dag las dang po dam pa rnams kyi mdzod du 'jug par bya na sgo gsum
206b5 nas zhugs pas gang med la mi zad pa'i mdzod du 'jug pa nyid do/ /smras pa/ gsang ba pa'i bdag po sgo gsum gang lags/ smras pa/ lang ka'i bdag po sgo gsum 'di lta ste/ spyod pas 'dren pa'i sgo dang / thabs kyi sbyor sgo dang / nges pa'i gsang sgo
206b6 dang gsum mo/ /smras pa/ gsang ba pa'i bdag po sgo de dag gang gis 'byed pa lags/ smras pa/ lang ka'i bdag po sgo de dag ni lde mig gsum gyis 'byed par rig par bya ste/ gsum gang zhe na/ 'di lta ste/ 'byed pa dang / 'grol ba dang / 'byin pa'o/ /
206b7 lang ka'i bdag po de yang 'di lta ste/ yan lag drug dang / mdo bzhi dang / rtsa ba gsum gyi lde mig gis/ /rgyal ba kun gyi dgongs pa'i mdzod/ /nges par 'byed ces rgyal bas bshad/ /lang ka'i bdag po de la spyod pa'i 'dren sgo lde mig gsum gyis
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo