| e-texts navigator |
| བོད་ཡིག |
205b1 brjod pa chos kyi phyag rgya'i ye shes rnam par bgros pa ste byung tshul bstan pa bcu gcig pa'o/ / //bam po bdun par zug pa/ de nas yang lang ka'i bdag po byang chub sems dpa' sems dpa' chen po des sngon byung ba'i tshig bcu gnyis pa'i
205b2 tha ma dgongs pa rnam par bgro ba na yang byung zhes snang ba'i dri ba yongs su dris pa/ kye gsang ba pa'i bdag po nyid kyis theg pa chen po gsang ba dam pa byung ba'i tshul ston pas lung bstan pa gtam du brjod pa'i skabs su dgongs pa rnam par bgro ba na
205b3 yang byung zhes bkod pa de lta zhig tu bgros te grags pa lags/ smras pa/ lang ka'i bdag po gang yongs su dri ba de ni 'di ltar zab pa/ ches zab pa/ 'di ltar dka' ba/ ches dka' ba/ rtog ge'i spyod yul ma yin pa/ brtag par rab tu dka'
205b4 ba/ dpag pa las 'das pa ste/ gang rgyud yongs su dag pa'i sangs rgyas dang / gang sa la gnas pa rnams kyis kyang rab tu bgro bar mi nus pa yin na bdag gis yongs su bgro bar lta ci smos te/ gang gi spyod yul yang ma yin no/ /de skad
205b5 ces smras pas/ lang ka'i bdag po des 'di skad ces smras so/ /kye skyes bu chen po gsang ba'i bdag po nyon mongs par snang ba'i 'gro ba rnams la phan pa dang snying brtse ba nyid du bgyi ba'i slad du mi chen po rnams kyi spyod yul/ chos thams cad
205b6 mngon par rdzogs par sangs rgyas pa/ gang du ma bkag pa'i chos nyid du longs spyod pa/ thabs kyi theg pa chen po dgongs pa dam pa de kho na nyid de rnam par bgro zhing smra ba'i seng ge khyod kyis phyin ci ma log par bgro ba'i dus la bab bo/ /skyes bu
205b7 chen po shin tu rab tu dus la bab bo/ /nges pa dam par bgro ba'i dus la bab bo/ /de ci'i slad du zhe na/ skyes bu chen po khyod ni de bzhin gshegs pa thams cad kyi bka' gsang ba chen po'i bdag por dbang gis dbang bskur ba lags te/ gang
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo