| e-texts navigator |
| བོད་ཡིག |
204a1 'byung bar ldan/ /chu ni mnyen gsal snang mtha' yas/ /rlung ni kun 'byed gdon mi za/ /lang ka'i bdag po 'di lta ste/ /gang 'dir sangs rgyas med pa ni/ /thams cad stong par ye sangs te/ /des khyab ma 'dres sangs rgyas nyid/ /
204a2 ma bcos ye nas sangs rgyas pa/ /'byung ba chen po bcom ldan 'das/ /lang ka'i bdag po de dag ni/ /'khor lo rgyun gyi theg pa ste/ /ngang gis rgyun gyi 'khor lor 'byung / /brtan g.yo kun la rang bzhin gnas/ /lang ka'i bdag po gzhan yang
204a3 gang / /don dam nges pa'i theg pa ni/ /gsum du nges par snang ba ste/ /kun 'byung 'dren dang dka' thub rig /dbang sgyur thabs kyi theg pa'o/ /gang 'dir 'dren pa 'di lta ste/ /yul gsum nges par snang ba ni/ /tha ma 'bring dang rab tu snang / /
204a4 tha ma'i yul du gyur pa ni/ /shin tu ya nga'i las spangs te/ /yid 'ong 'dul ba'i tshul bzung nas/ /rang gi rtsa ba der bsgrun pa/ /so sor thar pa'i lam du snang / /'bring gi yul du gyur pa ni/ /'di kun rten cing 'brel byung la/ /bdag med chos
204a5 gcig med mthong bas/ /brjod med sprul pa'i chos rnams ston/ /rang gi rtsal gyis bder gnas pa'o/ /rab kyi yul du gyur pa ni/ /bdag med byams snyoms rtog las 'das/ /yul med ma skyes phyogs dang bral/ /sa dang rnam thar bder
204a6 bsgrun pas/ /dngos med ngo bo nyid sku thob/ /lang ka'i bdag po gzhan yang gang / /dka' thub rig byed theg pa ni/ /'di yi yul gyis gsum nyid de/ /tha ma dag la snang ba ni/ /dka' thub sdom dang brtul zhugs dag /mnyam nyid mi
204a7 g.yo skye med la/ /bkur 'os 'dun pa'i tshul bzung nas/ /rigs kyi rdo rje 'dzin gnas pa'o/ /'bring la rnam par snang ba ni/ /bya ba dag pa'i las spyad de/ /rnal 'byor ting 'dzin mar ldan na/ /mi g.yo'i sems pas mngon sum du/ /rigs
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo