| e-texts navigator |
| བོད་ཡིག |
19b1 pa'i bka' la gdags/ /man ngag kun gyi rtsa bar yin pas/ /sems las ma gtogs pa yi chos nyid ni/ /dus gsum sangs rgyas khams gsum sems can la/ /kun byed nga yis yang dag bstan pa med/ /rgyud dang mdo sde kun gyi spyi 'grel
19b2 yin/ /rgyud dang mdo sde ston pa'i ston pa yang / /kun byed nga yi rang bzhin phyung ba yin/ /ston pa dang ni bstan pa gnyis ka 'grel/ /kun byed rgyal po byang chub sems nga ni/ /bstan pa kun gyi yang rtse yin par bshad/ /nga las byung ba'i ston
19b3 pa sku gsum gyis/ /bstan pa'i 'dul ba mdo sde mngon pa dang / /tan tra so so'i sde ni 'bum sde dang / /bskyed rdzogs gsang ba la sogs rtsol sgrub can/ /kun kyang rtsol sgrub 'das pa nga la bgrod/ /rtsol sgrub nyid kyis 'das pa nga mi mthong / /des
19b4 na bstan pa kun gyi yang rtse yin par bshad/ /kun byed rgyal po byang chub sems nga ni/ /theg pa kun gyi nying khu yin par bshad/ /ston pa gsum gyi gnas pa'i theg pa gsum/ /nges par gnas pa theg pa gcig las med/ /gcig ni kun theg
19b5 byang chub sems kyis/ /de ni theg pa kun gyi nying khur bshad/ /kye nga ni ma rig pa yi mun bsal nas/ /ye shes chen po'i snang ba mched par byed/ /de yang ji lta bu zhes bstan zhe na/ /ji ltar snang ba'i chos rnams thams cad kun/ /byang chub
19b6 de bzhin nyid du ma rig ste/ /ma rig rtog pa'i mun par 'thibs pa la/ /ji ltar snang ba'i chos rnams thams cad kun/ /kun byed byang chub sems kyis byas pa'i phyir/ /kun byed byang chub sems su rig byas nas/ /ji ltar snang ba'i chos rnams
19b7 thams cad kun/ /so sor rtog pa'i mun pa bsal nas kyang / /rang 'byung ye shes chen po snang ba mched/ /des na ma rig mun sel snang ba mched ces bya/ /kye sems dpa' chen po/ /rnam par rtog pa'i dra ba dral nas ni/ /nyon mongs pa yi phreng
iiif viewer powered by OpenSeadragon
Texts on this page
D828 - chos thams cad rdzogs pa chen po byang chub kyi sems kun byed rgyal po