| e-texts navigator |
| བོད་ཡིག |
182b1 gnas mi yi 'jig rten du/ /gsang ba'i bdag pos gang bgros pa/ /sngon du gnang 'byung skyes bu dag /dman pa'i lus 'dzin sems dpar grags/ /grags pa de yang ji ga gang / /'das pa'i dus na sngon byung ba/ /'gro mgon rdo rje snying po yis/ /nag
182b2 po rang thag 'khor ba can/ /gdul bya'i zhing du smin mdzad tshe/ /smin dang ma smin 'dus pa'i 'khor/ /kun nas 'dus par gyur pa la/ /yang dag gsang ba'i don 'di gsungs/ /lang ka'i bdag po de'i tshe de'i dus na yongs su rdzogs par ngos ma zin pa'i
182b3 sras de dag yongs su rdzogs par ngos gzung ba'i slad du gsang ba rnam par bskul ba/ 'dus pa chen po'i tshogs khyod yongs su rdzogs par ngos ma zin pa ye nas yongs su rdzogs par ngos gzung ba'i phyir ma bcos pa'i dam tshig nye bar long shig ces bka'
182b4 stsal pa dang / 'dus pa'i tshogs rnams kyis gsol pa/ bcom ldan 'das de nyid nye bar gzung ba'i slad du ma bcos pa'i dam tshig ces bgyi ba de ji lta bu lags/ ji ltar nyer bar gzung bar bgyi/ de skad ces gsol pa las/ bcom ldan
182b5 'das kyis bka' stsal pa/ 'dus pa chen po'i tshogs gang ma bcos pa'i dam tshig ni 'di lta ste/ ma nor ma bcos dam tshig ni/ /de bzhin nyid kyi chos nyid la/ /blo bzhag de la mi 'da' ba/ /rgyal ba rnams kyi dam tshig go/ /ces bka'
182b6 stsal pa las/ 'dus pa'i tshogs rnams shin tu skrag cing dngangs nas yongs su ma rangs te/ e ma'o sgyu ma'i bdag po zhig gis bdag cag bslus so/ /bdag cag so so'i mos pa sna tshogs pa rnams bkag nas stong pa chen po la gtad pa
182b7 'di ni bdag cag so so rang rang gi dam tshig dang bral lo zhes zer te ngus pa las/ bcom ldan 'das kyis 'di skad ces bka' stsal to/ /kye mi'i thod pa can la sogs pa'i tshogs rang rang ji ltar dga' ba'i dam tshig rnams spobs pa skyed la
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo