rKTs

e-texts navigator

Volume

Page

180a₁ gang med pa las gcig tu byung ba dang / gcig las gsum dang / lnga dang / bzhi bcu dang / 'bum sde dang / bye ba dang sa yar 'phel bas thams cad shes par byed pa'o/ /gang shes par byed pa ni 'di lta ste/ ming bklag pa dang / tshig
180a₂ bklag pa dang / gzugs bklag pa dang / don bklag pa dang / sgra bklag pa dang / gcig bklag pa dang / mang po bklag pa dang / gcig mang por bklag pa dang / mang po gcig tu bklag pa dang / gcig dang mang po tha dad par bklag pa'o/ /
180a₃ yang lang ka'i bdag po 'di la yi ge'i sgo gang zhe na/ 'di lta ste/ yi ge'i sgo dang / tshig gi sgo dang / don gyi sgo dang / dbyangs kyi sgo dang / gzungs kyi sgo rnams su rig par bya'o/ /lang ka'i bdag po de la yi ge'i sgo gang zhe na/ gang gis gang la bris
180a₄ pa'o/ /tshig gi sgo gang zhe na/ gang yi ge'o/ /don gyi sgo gang zhe na/ gang tshig gi tshogs so/ /dbyangs kyi sgo gang zhe na/ gang yi ge bcu drug go/ /lang ka'i bdag po yi ge bcu drug kyang gang zhe na/ 'gwar dang cwang 'ba' zhig tu shes par bya'o/ /de ni
180a₅ ring po dang thung ngu nyid du rig par bya'o/ /gang thung ngu dang ring po de gnyis las dbyangs kyi yan lag drug byung bar rig par bya'o/ /thung ngu las gnyis dang / ring po las gnyis dang / gang de gnyis las gnyis 'byung bar rig par bya'o/ /thung ngu las yan
180a₆ lag gnyis 'byung ba ni 'di lta ste/ sha ta ba dang gar d+ha ba gnyis so/ /ring po las yan lag gnyis 'byung ba ni 'di lta ste/ breng nge ba dang thung nge ba gnyis so/ /gang de gnyis las yan lag gnyis byung ba ni 'di lta ste/ cwang ka de'u dang p+wang ka de'u dang gnyis so/ /
180a₇ lang ka'i bdag po yan lag 'di drug kyang gang 'gro ba drug gi khams su gsung ba'i sgo drug las drug drug tu bsgyur ba byas pa las drug dang bcu gsum du bsgyur bar rig par bya'o/ /drug cur bsgyur bas yan lag drug cur 'byung bar rig par bya'o/ /drug

_{iiif viewer powered by OpenSeadragon}

179b - 180b

Texts on this page