| e-texts navigator |
| བོད་ཡིག |
175a1 ba ni dka' ba byed pa'o/ /smras pa/ gsang ba pa'i bdag po 'o na sems can dang sangs rgyas gnyis ci'i phyir tha dad/ smras pa/ lang ka'i bdag po de ni rkyen ji bzhin pa'i phyir ro/ /lang ka'i bdag po de bas na 'di lta ste/ gzugs brnyan
175a2 gyi rgyu dang / gzugs brnyan 'byung ba'i sgo dang / gzugs brnyan gyi gzungs dang / gzugs brnyan gyi dam tshig dang / gzugs brnyan gyi sprul pa'o/ /lang ka'i bdag po de la gzugs brnyan gyi rgyu ni dang ba mi dmigs pa ste ci yang med pa las ci yang
175a3 'byung ba'o/ /lang ka'i bdag po gzugs brnyan 'byung ba'i sgo ni gang du gnyis 'dus pa ste ci yang min pa las cir yang rig par byed pa'o/ /lang ka'i bdag po gzugs brnyan gyis gang mtshon par byed mod kyi gzugs brnyan las dngos gzhi 'byung ba yang
175a4 ma yin/ mi 'byung ba yang ma yin/ snang ba yang ma yin/ mi snang ba yang ma yin/ khyab pa yang ma yin/ ma khyab pa yang ma yin/ dper na nam mkha'i sgra bsgrags par ni kun gyis nus mod kyi nam mkha' gang zhe na/ 'di kho na'o zhes ni gang
175a5 gis kyang bstan par mi nus so/ /lang ka'i bdag po de bzhin du gzugs brnyan gyis kyang dngos gzhi mtshon par nus kyi 'di kho na'o zhes bstan par ni mi nus so/ /de ci'i phyir zhe na/ gzugs brnyan ni dngos gzhi las byung bas mtshon par yang nus la/
175a6 gzugs brnyan yin pa'i phyir gang gi spyod yul du yang gyur pa yin la/ dngos gzhi ni gang gis kyang spyod yul du ma gyur pas 'di'o zhes bstan par mi nus so/ /de bas sangs rgyas kun gyi dgongs pa gsang ba de ni sangs rgyas 'jig rten du byung yang rung /
175a7 ma byung yang rung / sems can rnams sangs rgyas kyang rung / ma rgyas kyang rung / thams cad kyi rang bzhin du ye nas gnas shing thams cad la khyab kyang thams cad kyis mthong ba ni ma yin no/ /de las byung ba thams cad ni shes par yang rung la/ des ni de
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo