rKTs

e-texts navigator

Volume

Page

174b₁ bzhin dang / rnam grangs dang / yan lag dang / gzugs brnyan rnams su shes par bya'o/ /lang ka'i bdag po de la rang bzhin gang zhe na 'di lta ste/ gdangs su che ba dang / yongs su khyab pa dang / go bar myur ba dang / the tshom gcod pa dang /
174b₂ gcig la gzigs snyam pa dang / nyi tsher ston pa dang / kun nas 'jug pa dang / 'dun pa skyed pa dang / khyad du zhugs pa dang / thams cad 'dul ba'o/ /lang ka'i bdag po rnam grangs gang zhe na/ 'di lta ste/ tshangs pa lta bu dang / sil snyan lta bu
174b₃ dang / glu gar lta bu dang / ka la ping ka lta bu dang / 'brug dbyangs lta bu dang / sgra brnyan lta bu'o/ /lang ka'i bdag po yan lag ni 'di lta ste/ 'du shes bskyed pa dang / rnam par rig pa dang / mnyan par 'os pa dang / mi mthun pa med pa dang /
174b₄ shin tu zab pa dang / rjes su 'byung ba dang / gang gis mi tshugs pa dang / rnar snyan pa dang / rnam par ma 'khrugs pa dang / shin tu gsal ba ste/ rnam grangs kyi sgo re rer gang du byung ba de dang der yan lag kun rdzogs par 'byung ngo / /lang
174b₅ ka'i bdag po de la gzugs brnyan gang zhe na/ gzugs brnyan ni yi ge'i tshogs su snang la/ yi ge ni gsang ba dam pa'i byin gyi brlabs las 'byung bar rig par bya'o/ /lang ka'i bdag po gsang ba dam pa'i byin gyi brlabs ni yi ger
174b₆ yang ma zad de yi ge la sogs pa'i chos thams cad med pa las 'byung zhing btags pa ltar chags/ gang ltar bsgrubs pa ltar 'grub/ gang du mthong ba de ltar bltas par snang ba'i phyir yi ge yang mi dmigs pa'i dbyings kyi byin gyi
174b₇ brlabs las gsung gi gzugs brnyan du 'byung bar zad do/ /lang ka'i bdag po 'on tang na thams cad rang bzhin gyis stong ste ngang gis ma bcos yang gis 'od gsal bas btsal du med cing ye nas byang chub pa las gang byang chub don du gnyer zhing 'bad

_{iiif viewer powered by OpenSeadragon}

174a - 175a

Texts on this page