| e-texts navigator |
| བོད་ཡིག |
173a1 dmigs pa dang kun gyi gzhir gyur pa dang / mtha' yongs su mi dmigs pa dang / ther zug ma yin pa dang / rgyun du 'byung ba dang / dgongs pa dam pa dang / dngos po med pa dang / rgyud dag pa'i yul du gyur pa dang / mtha' dbus las
173a2 'das pa dang / tha snyad las 'das pa dang / ye ji bzhin pa dang / bsam du med pa dang / bsam gyis mi khyab pa dang / so so'i spyod yul dang / khyad par cir yang mtshungs pa'i phyir rtag par yang zung shig /mi rtag par yang zung shig /yod par
173a3 yang zung shig / med par yang zung shig /gcig par yang zung shig /tha dad par yang zung shig /gcig dang tha dad pa'i ngo bo las grol bar yang zung shig /lang ka'i bdag po de ltar na gdul bya'i dbang gi phyir sku la ni nges pa med de bsam gyis
173a4 mi khyab par zung shig / lngar yang zung shig /bzhir yang zung shig /gsum du yang zung shig /gnyis su yang zung shig /gcig tu yang zung shig /nges par sku dang / gsung dang / thugs dang / yon tan dang / phrin las zhes tha snyad du
173a5 btags par zad kyi/ sku ni nam mkha'o/ /gsung ni sgra brnyan no/ /thugs ni chos nyid do/ /yon tan ni sgyu ma'o/ /phrin las ni sprul pa ste/ de dag ni gang la 'dul ba'i dbang du byin gyi brlabs la snang bar zad kyi yang dag par na snang ba ni cung zad
173a6 kyang med do/ /lang ka'i bdag po de dag gi ngo bo ni rnam par shes pa'o/ /ngos zin pa ni ye shes so/ /mngon sum pa ni sangs rgyas so/ /lang ka'i bdag po de ltar na gsang sngags kyi ngo bo de ni yongs su dpag par dka' ba'i phyir gang mun pa'i
173a7 khams pas ni rnam par shes pa zhes bya bar btags so/ /snang ba'i khams pa dag gis ni ye shes zhes bya bar btags so/ /mig dang ba rnams kyis ni sangs rgyas su btags so/ /dam pa'i mig can rnams kyis ni gsang sngags su ngos zin
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo