rKTs

e-texts navigator

Volume

Page

172b₁ dgongs pa ni gang lags/ gzhi ni gang lags/ smras pa/ lang ka'i bdag po de dag gi mdzad pa ni sangs rgyas kun gyi mdzad pa ste rgyun gyi bya ba cir yang snang ba'o/ /sku ni sangs rgyas kun gyi sku ste yongs su smin pa'o/ /dgongs pa ni sangs rgyas
172b₂ kun gyi dgongs pa ste rnam par dag pa'o/ /gzhi ni sangs rgyas kun gyi 'byung gnas te de nyid do/ /lang ka'i bdag po de dag ni mang po dang / gcig dang / gcig mang po dang / de dag las 'das pa zhes kyang bya'o/ /de ci'i phyir zhe na/ rgyun ni
172b₃ sna tshogs dpag gis mi lang ba'i phyir mang po zhes bya'o/ /smin pa ni gang thams cad gcig pa'i phyir gcig ces bya'o/ /rnam par dag pa ni rgyun dang smin pa'i gzhir gyur pa'i phyir gcig mang po zhes bya'o/ /de nyid ni de dag gi 'byung 'jug gis
172b₄ zad 'phel med pa'i phyir de dag las 'das pa zhes bya'o/ /yang lang ka'i bdag pos dris pa/ gsang ba pa'i bdag po de dag rtag pa zhig gam/ 'on te mi rtag pa zhig /yod pa zhig gam/ 'on te med pa zhig /gcig pa zhig gam/ tha dad pa
172b₅ zhig ces dris pa las/ gsang ba pa'i bdag pos smras pa/ lang ka'i bdag po ji skad du dri ba drug ni 'di lta ste/ de dag ni rtag pa yang yin no/ /mi rtag pa yang ma yin no/ /rtag kyang rtag la mi rtag kyang mi rtag pa yang ma yin no/ /rtag pa yang
172b₆ ma yin/ mi rtag pa yang ma yin pa yang ma yin no/ /de dag ni yod pa yang yin no/ /med pa yang yin no/ /yod kyang yod la med kyang med pa yang yin no/ /yod pa yang ma yin/ med pa yang ma yin pa yang yin no/ /gcig pa yang yin no/ /
172b₇ tha dad pa yang yin no/ /gcig pa yang ma yin/ /tha dad pa yang ma yin pa yang yin no/ /gcig pa dang tha dad pa'i ngo bo las grol ba yang yin no/ /lang ka'i bdag po de ci'i phyir zhe na/ 'di lta ste/ mi 'gyur zhing gnyen po med pa dang / gang 'byung ba mi

_{iiif viewer powered by OpenSeadragon}

172a - 173a

Texts on this page