rKTs

e-texts navigator

Volume

Page

172a₁ mkha' nyid ni rnam par dag pa'o/ /bde ba la longs spyod pa ni smin pa'o/ /yongs su bsgyur ba ni rgyun no/ /thams cad nas thams cad du dag pa chen po ni 'di lta ste/ gang gzhir snang ba/ gang ma bslad pa ni de nyid do/ /gang sku med pa ni
172a₂ rnam par dag pa'o/ /yongs su rdzogs pa ni smin pa'o/ /cir yang 'byung ba ni rgyun no/ /lang ka'i bdag po de la gang du dag pa dang / phyogs su dag pa dang / yongs su rnam par dag pa ni ma dag pa zhes bya'o/ /de ci'i phyir zhe na/ thams cad du
172a₃ dag par byar med pa la dag par 'dod cing dag par byed pa'i phyir ro/ /smras pa/ gsang ba pa'i bdag po ci ga de la gang du dag pa dang / phyogs su dag pa dang / yongs su rnam par dag pa de la dag pa zhes ci'i phyir brjod/ smras pa/ lang
172a₄ ka'i bdag po de dag ni gang yongs su bsgribs pa las gang du sangs pa dang / phyogs su sangs pa dang / yongs su rnam par sangs pa'i phyir ro/ /lang ka'i bdag po thams cad nas thams cad du dag par byar med pa la ni dag pa zhes bya'o/ /de ci'i
172a₅ phyir zhe na/ de la ni dag par bya ba'i rgyu ci yang med pa'i phyir ro/ /yang lang ka'i bdag pos dris pa/ gsang ba pa'i bdag po rgyun yin la smin pa ma yin pa ni gang / smin pa yin la rgyun ma yin pa ni gang / gnyis ka yin pa ni gang / gnyis ka ma
172a₆ yin pa ni gang zhes dris pa las/ smras pa/ lang ka'i bdag po ji skad du dri ba bzhi ni 'di lta ste/ rgyun yin la smin pa ma yin pa ni gang 'das kyang pad+mo'i dbang gis 'khor ba dpag tu med pa la phan 'dogs pa'o/ /smin pa yin la rgyun ma yin pa ni
172a₇ sa'i snga rol nyid do/ /gnyis ka yin pa ni gang lhag ma dang bcas pas 'das pa'o/ /gnyis ka ma yin pa ni rnam par dag pa'o/ /yang lang ka'i bdag pos dris pa/ gsang ba pa'i bdag po de dag gi mdzad pa ni gang lags/ sku ni gang lags/

_{iiif viewer powered by OpenSeadragon}

171b - 172b

Texts on this page