| e-texts navigator |
| བོད་ཡིག |
171a1 de kho na nyid ni gang lags/ rnam par shes pa ni gang lags/ ye shes ni gang lags/ sku zhes gang la bgyi/ gsang ba pa'i bdag pos smras pa/ lang ka'i bdag po dris pa de bzhin ni 'di skad du thos so/ /sems ni sems dang /
171a2 sems snang ba dang / sems las byung ba ste/ de nyid dang / de 'jug pa dang / de rgyun no/ /rnam par shes pa ni kun gzhi dang / 'jug par byed pa'i yid dang rgyun du 'byung ba'i sgo lnga'o/ /ye shes ni gang de nyid du ngos zin pa'o/ /sku ni gang gi 'byung
171a3 'jug snang ba'i gzhi'o/ /yang lang ka'i bdag pos dris pa/ gsang ba pa'i bdag po ngos zin pa ni gang / 'byung ba ni gang / 'jug pa ni gang / snang ba ni gang / gzhi ni gang / gsang ba pa'i bdag pos smras pa/ lang ka'i bdag po gang dri ba de lnga
171a4 ni 'di skad du thos so/ /gang ngos zin pa ni gzhan nas ma byung bar zin pa nyid do/ /de ci'i phyir zhe na/ lang ka'i bdag po gal te gzhan nas 'byung ba zhig na ni glo bur ba ste ye shes zhes bya ba de nyid de ltar mi rung ngo / /'byung ba ni sprul pa la bya'o/ /de
171a5 ci'i phyir zhe na/ sprul pa ni ma byung ma myong gang du rgyun du 'byung ba'o/ /'jug pa ni rdzogs longs spyod pa ste/ de ci'i phyir zhe na/ de ni nang du yang dag gnas pa nyid du gang gi rnal 'byor 'jug par byed pa nyid do/ /snang ba ni chos kyi sku ste/ de ci'i
171a6 phyir zhe na/ gnyis 'dus pa las gnyis 'byung ba'i rang bzhin du snang ba'o/ /gzhi ni ngo bo nyid kyi sku ste/ de ci'i phyir zhe na/ chos thams cad 'byung ba'i gzhi dngos po med pa'i ngo bo nyid kyi phyir ro/ /yang lang ka'i bdag pos dris pa/ gsang ba
171a7 pa'i bdag po sprul pa ni gang / rdzogs longs spyod pa ni gang / chos kyi sku ni gang / ngo bo nyid ni gang / gsang ba pa'i bdag pos smras pa/ lang ka'i bdag po gang 'di ltar dri ba 'di bzhi ni 'di skad du thos so/ /sprul pa ni gang med pa las rgyun gyis
iiif viewer powered by OpenSeadragon
Texts on this page
D829 - de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo