rKTs

e-texts navigator

Volume

Page

170b₁ bdag po ye shes zhes bya ba de gang don gyi dbang gang gi tshig lags/ smras pa/ lang ka'i bdag po chos thams cad ye ji bzhin pa'i don phyin ci ma log pa'i skye 'gag med par mkhyen pa las btags pas na de na don gyi dbang de kho na'i
170b₂ tshig su shes par bya'o/ /lang ka'i bdag po yang 'di ltar nam mkha' lta bur gyur pa dang / me long lta bur gyur pa dang / 'ja' tshon lta bur gyur pa dang / dbyibs dang / kha dog lta bur gyur pa dang / sprin rlangs lta bur gyur pa dang / ma bcos par snang ba de phyogs
170b₃ tsam du chos de dag mthun kyang rang rig pa nyid kyi dper ni phyogs med do/ /lang ka'i bdag po thams cad gsal ba dang / sgo mi 'gag pa dang / cho 'phrul 'byung ba dang / gcig tu sdud pa dang / phun sum tshogs pa ste de dag ni bya ba byed par
170b₄ rig par bya'o/ /lang ka'i bdag po ma 'dres pa dang / yongs su rdzogs pa dang / ma 'dres pa yongs su rdzogs pa'i ril dang / rgyun dang / dmigs pa med pa ste/ de dag ni blta bar snang bar rig par bya'o/ /lang ka'i bdag po ma 'gags pa
170b₅ dang / ma 'phros pa dang / ma 'tshol ba dang / ma lus pa dang / rgyur gyur pa ste de dag ni rtsal gyi nus par rig par bya'o/ /lang ka'i bdag po de ltar na sems las ni sems snang ba yin la/ snang ba ni ye shes ngos zin par bya ste/ de dag kyang
170b₆ gsang ba dam pa de kho na nyid kyi byin gyi brlabs snang bar rig par bya'o zhes smras pas/ lang ka'i bdag po la sogs pa dman pa'i lus kyi sems dpa' rnams thugs yongs su rtog pa'i the tshom chad do/ /sangs rgyas kun gyi dgongs pa 'dus pa'i mdo
170b₇ chen po las thugs ye shes snang ba dam pa'i rgyan bkod pa'i le'u ste sum cu gnyis pa'o/ / //de nas yang lang ka'i mnga' bdag byang chub sems dpa' sems dpa' chen po des gsang ba pa'i bdag po la dris pa/ gsang ba pa'i bdag po sems kyi

_{iiif viewer powered by OpenSeadragon}

170a - 171a

Texts on this page