rKTs

e-texts navigator

Volume

Page

170a₁ yin pa dang / mi nye ba dang / mi ring ba dang / kun nas 'byung ba dang / tshad yongs su ma chad pa dang / gzhan ma yin pa dang / bsgribs pa ma yin pa dang / mun pa ma yin pa dang / bskal pa ma yin pa ste/ lang ka'i bdag po phyogs
170a₂ tsam du chos de dag mthun kyang rang rig pa nyid kyi dper ni phyogs med do/ /lang ka'i bdag po chen po ni chos mthun pa'i dpe nye bar bzung ba ste/ yongs su rdzogs par rig pa nyid de/ che chung med par yongs su rdzogs pa dang / ring thung med pa dang / bzang
170a₃ ngan med pa dang / skyon yon med pa dang / blang dor med pa dang / legs nyes med pa dang / gtsang sme med pa dang / bde sdug med pa dang / mtho dman med pa dang / yangs dog med pa dang / sgro skur med pa dang / 'dres pa med pa dang / mi phyed par
170a₄ yongs su rdzogs pa ste/ lang ka'i bdag po phyogs tsam du chos de dag mthun kyang rang rig pa nyid kyi dper ni phyogs med do/ /lang ka'i bdag po sna tshogs bkod pa ni/ chos mthun pa'i dper nye bar bzung ba ste/ gnas pa dang / 'jug pa dang / ma
170a₅ 'dres pa dang / gsal ba dang / rnam par phye ba dang / longs spyod sna tshogs dang / snang ba dang / kun du ma rmongs pa ste/ lang ka'i bdag po phyogs tsam du chos de dag mthun kyang rang rig pa nyid kyi dper ni phyogs med do/ /lang ka'i bdag po nor bu
170a₆ rin po che ni chos mthun pa'i dpe nye bar bzung ba ste rnam par mi rtog pa dang / bya ba byed pa dang / 'dod pa 'byung ba dang / dgos pa tshang ba dang / re ba skong ba dang / rgyun mi 'chad pa dang / dga' ba skyed pa dang / mi zad pa dang / bde ba la 'god pa
170a₇ dang / thams cad du grub pa dang / thogs pa med pa dang / mi skyor ba dang / rab tu sbyin pa dang / dgos pa grub pa ste/ lang ka'i bdag po chos de dag phyogs tsam du mthun kyang rang rig pa nyid kyi dper ni phyogs med do/ /smras pa/ gsang ba pa'i

_{iiif viewer powered by OpenSeadragon}

169b - 170b

Texts on this page