rKTs

e-texts navigator

Volume

Page

166a₁ rtag tu bsten na legs so zhes gsol pa las/ skyes bu dam pa des bka' stsal pa/ a hoH/ rigs so/ /stad do/ /yin no/ /nges so/ /bden no/ /legs so/ /ma rungs pa khyed ma dang bcas/ chung ma dang bcas/ bu dang bu
166a₂ mo dang bcas/ g.yog dang yang g.yog dang bcas pa khyed rnams brtse ba dang ma bral na mar bya'o/ /gdung ba dang ma bral na sring mor bya'o/ /brtson pa dang ma bral na bran du bya'o/ /byang chub kyi sems dang ma bral na bur bya'o/ /'du 'bral med na slob
166a₃ mar bya'o/ /bskul ba la mgyogs na pho nyar bya'o/ /bka' bzhin byed na bka' la gdags so zhes rnal 'byor chen po'i gral du bzhag ste/ chos dang gang chos srungs pa rnams kyi srung mar dbang byin no/ /sangs rgyas kun gyi dgongs pa 'dus pa'i
166a₄ mdo chen po las thar pa nag po gol ba la ma gol bar lung bstan pa'i le'u ste sum cu gcig pa'o/ / //theg pa chen po nges par 'byung ba'i tshul las gdul bya'i skabs la bab pa'i tshe na ru tra yongs su btul ba'i gtam rgyud brjod pa'i
166a₅ chos kyi phyag rgya'i ye shes rnam par bgros pa ste byung tshul bstan pa drug pa'o/ / //bam po lnga par zug pa/ de nas yang lang ka'i bdag po byang chub sems dpa' sems dpa' chen po des gsang ba pa'i bdag po de la sngon du byung ba'i tshig bcu gnyis
166a₆ pa'i bdun pa byin gyi brlabs las snang ba na yang byung zhes 'byung ba 'di skad ces dri ba yongs su dris pa/ kye gsang ba pa'i bdag po nyid kyis theg pa chen po gsang ba dam pa byung ba'i tshul ston pas lung bstan pa gtam du brjod pa'i skabs su byin gyi brlabs
166a₇ las snang ba na yang gyung zhes brjod pa de ji lta bu zhig tu snang zhing grags pa lags/ smras pa/ lang ka'i bdag po gang gdul bya'i skabs la bab par gdul bya yongs su rdzogs pa'i skyes bu de dag yongs su snang ba de kho na nyid la bya'o/ /smras pa/ gsang ba

_{iiif viewer powered by OpenSeadragon}

165b - 166b

Texts on this page