rKTs

e-texts navigator

Volume

Page

160a₁ yang dag dngos min pa'i/ /rdo rje sme ba brtsegs pa'i sras/ /bdud 'dul rdo rje srin po des/ /rdo rje shugs kyi dam pa byin/ /hU~M hU~M hU~M bi shwa badzra kro d+ha dz+wa la ma Na Da la phaT phaT ha la ha la raM zhes gdul sbyong drag po'i dkyil 'khor du sbyangs so/ /ta keM ta
160a₂ keM phaT/ ha la ha la ra~M/ tIk+Sh+Na tIk+Sh+Na khaM kro d+ha kro d+ha yaM zhes dngos po thams cad stong par sbyangs so/ /oM zhes rang bzhin lhun gyis grub pa'i dkyil 'khor du bcug go/ /muM zhes ye ji bzhin pa'i dkyil 'khor du bzhugs so/ /hU~M zhes rtsa ba byang chub sems kyi
160a₃ dkyil 'khor du gnas so/ /i dan ti/ na ra gan te/ ba ri hr-i da ye/ nA ma bsti nAM/ sa ma ya rak+Sha si/ si ti pi na badzra/ a mr-i to ta kaM zhes dam tshig dam pa byin no/ /oM AHhU~M zhes sku gsung thugs kyi byin rlabs dam pa byin no/ /oM badzra a mr-i ta/ e
160a₄ h+ye hi sarba ma na hU~M hrI tha zhes dbang dam pa byin no/ /de nas yang las kyi srin po des rang gi ris kyi lha la gsol ba btab pa/ sngon tshe gong nas 'brel ba yi/ /bdag gi nye gnas gang lags pa/ /las 'phro dang ni thugs rje yis/ /da lta nyid du 'bab par shog /
160a₅ ces bskul pas/ dpal rdo rje sems dpa' nam mkha'i dbyings nas nyi ma'i dkyil 'khor hU~M gi snying po 'od zer dang bcas pas kho na nyid kyi snying gar thim pas rang gi ris dam pa nyid du nges par gyur to/ /ha~M zhes mthong ba yongs su dag ste thams cad ma 'dres
160a₆ pa dang yongs su rdzogs par mthong ngo / /rdo rje zhes ming btags nas/ rdo rje theg pa'i gsang sgor bzhag go/ /sangs rgyas kun gyi dgongs pa 'dus pa'i mdo chen po las sangs rgyas kun gyi dgongs pa bskul ba'i le'u ste sum cu pa'o// //de nas
160a₇ las kyi srin po de'i nye gnas 'dus pa'i tshogs phal po che rnams rang rang gi las dag pa dang / /sangs rgyas mang po mthong ba dang / byin rlabs kyi 'od zer gyis rgyud sbyangs pas las dang las kyi rnam par smin pa'i rgyud dang / skye ba snga phyi mtha' yas pa

_{iiif viewer powered by OpenSeadragon}

159b - 160b

Texts on this page