rKTs

e-texts navigator

Volume

Page

156a₁ bzhin/ /dam tshig can la dung dung gdung bar gyis/ /gang du sing byams ming la gdung ba bzhin/ /yal gam can la lhang lhang brtse bar gyis/ /mdza' mo grogs la ji ltar gdung tshul bzhin/ /rnal 'byor can la kril kril brtse bar
156a₂ gyis/ /ji ltar g.yog byams dpon la snying brtse bzhin/ /dam pa rnams la nges par nye bar gyis/ /zhes 'khor nye gnas rnams la gdams ngag bor nas dpa' bo chen po la skyabs su dong ste bka' che ba yongs su bsrung ba'i phyir rang rtags srog gi snying po
156a₃ phul te mna' dor ro/ /ru lu ru lu b+h+yo zhes rang gi srog la tshad bzhag go/ /de nas bcom ldan 'das kyis yongs su gnang ba ni 'di lta ste/ oM ru lu ru lu b+h+yo ha zhes byin gyis brlabs te bsregs sbyangs btul nas dgongs khral chung bar bzhugs so/ /
156a₄ sangs rgyas kun gyi dgongs pa 'dus pa'i mdo chen po las bdud yongs su btul ba'i le'u ste nyi shu bdun pa'o// //de nas de'i tshe de'i dus na dbang phyug chen po'i tshogs rnams 'di ltar rtog ste/ e ma'o drag po chen po 'di/ /'di ltar mthu che ba/
156a₅ 'di ltar dregs pa/ /'di ltar gti mug pa/ /'di ltar chags pa/ 'di ltar nga rgyal ba/ 'di ltar gtum pa 'di dpa' bo chen po 'dis rnam par non/ nges par yang dag par non/ /kun du rab tu non to snyam du rtog go /de'i tshe de'i dus na de dag gi
156a₆ sems kyi rtog pas rtog pa drag po ru tra de'i sems kyis yongs su shes nas smras pa/ kye nye gnas dam pa rnams gang de ltar ma rtog shig /sngon kho bo'i las kyi 'phro dang 'brel ba nye gnas dam pa kun gyis bshes gnyen de dang phrad pas las shes so/ /
156a₇ skye ba shes so/ /las mthong ngo / /skye ba mthong ngo / /las mngon du gyur to/ /skye ba mngon du gyur nas rang gi las la rang thag khos par gyur/ gang skad cig mar bde ba chen po'i g.yung drung gi pho brang mthong bas gang 'di ltar bud med dag sbrum pa'i sdug

_{iiif viewer powered by OpenSeadragon}

155b - 156b

Texts on this page